Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Digovi Vuravura

Digovi Vuravura

Merika

Ena macawa ni 29 Okotova, 2012, e lutu vakasauri na iwiliwili ni laba, ivalavala kaukaua kei na butako ena siti o Niu Yoka ni vakatauvatani kei na gauna vata qori ena 2011. Na cava na vuna? Ni a vakacaca na cagilaba kaukaua o Sandy ena tokalau ni baravi kei Merika, e vakavuna me boko na livaliva ena levu na vanua. E tukuna o Paul Browne na gusunivosa ni New York Police Department: “Ni oti e dua na leqa tubukoso se dua na vakacaca levu me vaka [na nodra vakacaca na batikadi ena 11 Seviteba, 2001], e laurai ni lutu sara ga na iwiliwili ni basulawa.” Ia e sega ni kurabuitaka o Browne na tubu ni iwiliwili ni basuvale. E tukuna: “Ni boko tu na livaliva ena levu na vanua.”

Antarctica

Era leqataka na saenitisi ni so na itei e kau mai vanua tani sa vakacacana tiko na veikabula e Antarctica. E tukuni ni vica vata na udolu na saravanua era dau gade ina veivanua vakaAntarctica e veiyabaki, ia era sega ni kidava ni kabita tu nodra ivava se beki na sorenitei, kena ivakatautauvata e rauta ni 9.5 na sorenitei dua na saravanua. Sa kune ena Ra ni ucunivanua kei Antarctica e levu na itei e kau mai vanua tani.

Necaladi

E dua na marama yabaki 83, e imatai ni tamata me sosomitaki na sui ni galegalena ena dua na kaukamea vulavula lailai e caka mai na 3-D laser printer. Sa vuca na sui ni galegalena, ia qo sa rawa ni kana, cegu, rawa tale ga ni vosa vakavinaka. Na laser printer qori e semasema na tikitiki ni kaukamea vulavula lailai qai vakatotomuria na ibulibuli ni galegalena, oti sa qai biu e gusuna me sosomitaka na galegalena sa vuca.

Jamani

Ni oti e dua na yabaki na kena vakatabui na vakatavako ena vanua ni cakacaka e Jamani, e laurai ni lutu ena 13.3 na pasede na kedra iwiliwili na curu i valenibula e tauvi ira na mate na angina pectoris (mosi ni saresare kei na mosi ni taba). E laurai tale ga ni lutu ena 8.6 na pasede na kedra iwiliwili na mateniuto.