Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 NODA BULA VAKARISITO

O Jiova e Taleitaki Ira na Savasava

O Jiova e Taleitaki Ira na Savasava

“Vuluvulu. Samaka nomu rumu. Tataviraki mai. Kauta na benu.” Levu na itubutubu era vakavulici luvedra ena bula savasava. Ia na ivakavuvuli qori e vakarota na Kalou savasava. (Ly 30:18-20; Vkr 23:14; 2Ko 7:1) Ni savasava na yagoda kei na ka eda taukena, eda lagiti Jiova. (1Pi 1:14-16) Vakacava na noda vale kei na noda lomanibai? Levu era benu vakaca e gaunisala kei na vanua ni gade, ia nida lotu vaKarisito eda saga me savasava na noda itikotiko na vuravura. (Sm 115:16; Vta 11:18) Ena laurai mada ga na noda savasava nida biuta ena kavanibenu na tavaya ni wainimoli, na iolo ni loli kei na drega. Eda vinakata meda “vakadinadinataka [nida] italatala ni Kalou” ena ka kece eda cakava.—2Ko 6:3, 4.

SARAVA NA VIDIO O JIOVA E TALEITAKI IRA NA TAMATA SAVASAVA, QAI SAUMA NA TARO QO:

  • Na cava era ulubaletaka eso mera kua kina ni samaka na ka era taukena?

  • Eda kila vakacava na rai i Jiova me baleta na savasava ena Lawa e solia vei ira na Isireli?

  • Na cava eso na sala eda na lagiti Jiova kina?

Au na vakaraitaka vakacava ena noqu bula na rai i Jiova me baleta na savasava?