Eda rawa kece ni cakava na ka vinaka ena vuku i Jiova, ena sega vakadua ni guilecava. Me vaka na itubutubu e lomani luvena qai sega ni guilecava na ka vinaka kece e cakava, o Jiova tale ga ena sega ni guilecava na noda cakacaka kei na loloma eda vakaraitaka ena vuku ni yacana. (Mac 6:20; Ipe 6:10) E macala ga ni duidui na keda ituvaki kei na ka eda rawata, ia eda na marau ke da solia noda vinaka ena qaravi Jiova. (Kal 6:4; Kol 3:23) Ena veiyabaki sa sivi, era veiqaravi e Peceli e vica vata na udolu na tacida. Vakacava o rawa ni bole mo veiqaravi e Peceli? Ke sega, o na uqeta vakacava e dua me veiqaravi e kea, se tokona e dua na lewenivuvale e Peceli me veiqaravi tiko ga?

SARAVA NA VIDIO TU VAKARAU NI VEIQARAVI E PECELI, QAI SAUMA NA TARO QO:

• Na cava me inaki ni noda veiqaravi e Peceli?

• Na cava era kaya eso me baleta na veivakalougatataki ni veiqaravi e Peceli?

• Na ivakatagedegede cava me rawata e dua me veiqaravi e Peceli?

• Na cava mo cakava ke o via veiqaravi e Peceli?