Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 NODA BULA VAKARISITO

E Mate Tale ga o Jisu ena Vuku i Tacimu

E Mate Tale ga o Jisu ena Vuku i Tacimu

E cabora o Jisu na nona bula ena vukuda na kawa ivalavala ca. (Rom 5:8) Dua na ka noda vakavinavinaka ni vakaraitaka o Jisu nona lomani keda ni solia nona bula ena vukuda. Ia ena so na gauna, meda nanuma tiko ni a mate tale ga o Karisito ena vukudra na tacida. Eda na vakaraitaka vakacava na loloma vaKarisito vei ira na tacida era valavala ca tale ga? Raica mada qo e tolu. Kena imatai, me kua ni duadua tu ga noda ilala, meda vakaitokani tale ga kei ira e duidui nodra isususu. (Rom 15:7; 2Ko 6:12, 13) Kena ikarua, meda qarauna me kua ni veivakacudrui na ka eda tukuna se cakava. (Rom 14:13-15) Kena ikatolu, meda totolo ni veivosoti ni dua e cala vei keda. (Lu 17:3, 4; 23:34) Ke da gumatua ni vakatotomuri Jisu ena sala qo, ena vakalougatataka tiko ga o Jiova na ivavakoso ena vakacegu kei na duavata.

SARAVA NA VIDIO BUCINA NA ITOVO VINAKA! QAI SAUMA NA TARO QO:

  • Na cava na rai nei Miki me baleta na nona ivavakoso ni se qai yaco yani?

  • E veisau vakacava na nona rai?

  • E uqeti Miki vakacava na ivakaraitaki i Jisu me donu nona rai? (Mar 14:38)

  • E vukei keda vakacava na Vosa Vakaibalebale 19:11 me donu tiko ga noda rai me baleti ira na tacida?