Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 NODA BULA VAKARISITO

Gauna Cava Tale Au Rawa ni Painia Kina?

Gauna Cava Tale Au Rawa ni Painia Kina?

Na raivotu i Isikeli me baleta na valenisoro e vakaraitaka nodra solia na tamata i Jiova na cau e sega ni lavaki. E rawa vakacava nida solia na cau va qori ena noda isoro ni veivakacaucautaki?​—Ipe 13:15, 16.

Dua na sala oya meda painia veivuke. Eso na vula ena yabaki vakacakacaka ni 2018, e lima na kena siga Vakarauwai se Sigatabu. Ena yaga sara ga qo vei ira na cakacaka ena loma ni macawa, ra qai vunau ga ena muanimacawa. E rawa tale ga nira ripotetaka na dautukutuku e 30 se 50 ga na aua ena vula o Maji kei na Epereli vaka kina na vula e veisiko tiko kina na ivakatawa ni tabacakacaka.

Vakacava ke da sega ni rawa ni painia veivuke ena vuku ni keda ituvaki? Eda se rawa tiko ga ni vakavinakataka noda cakacaka vakaitalatala, da vakaitavi tale ga kina vakalevu. Se mani duidui na ituvaki, me uqeti keda mada ga na noda lomani Jiova meda solia vua na noda vinaka kece ena yabaki vakacakacaka ni 2018!​—Ose 14:2.

Au na vakatotomuria vakacava na nona gugumatua o Sabina Hernández?

SARAVA NA VIDIO AU RAWATA GA ENA VEITOKONI I JIOVA, OTI ME SAUMI NA TARO E RA:

  • Na cava e uqeti Sabina me vakaitavi vakalevu ena nona veiqaravi?

  • E uqeti iko vakacava na nona ivakaraitaki?

  • Na vula cava o rawa ni painia kina ena yabaki vakacakacaka ni 2018?