Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 NODA BULA VAKARISITO

Sala mo Dau Vakamacala Vinaka Kina

Sala mo Dau Vakamacala Vinaka Kina

Na ivakamacala vinaka e veiuqeti ena ivavakoso. (Rom 14:19) E yaga tale ga vei ira na vakamacala. (Vvb 15:23, 28) Meda saga gona me dua mada ga noda ivakamacala ena soqoni. Nida na sega ni digitaki ena veigauna kece, e vinaka gona meda vakarautaka toka yani e vica na ivakamacala.

Na ivakamacala vinaka. . .

  • e rawarawa, matata qai lekaleka. Ke rawa me rauta na 30 na sekodi se lailai

  • ena vakamacala ena nona vosa ga

  • ena sega ni tokaruataka na ka sa vakamacalataki oti

Ke o saumitaro e liu, . . .

  • me rawarawa ga nomu ivakamacala, sauma vakadodonu na taro

Ke sa saumi oti na taro, o rawa ni  . . .

  • vakamacala ena tikinivolatabu e veisemati kei na ulutaga e veitalanoataki tiko

  • tukuna na kena yaga vei keda

  • vakamacalataka na sala eda rawa ni lai vakayagataka kina vei ira eso tale

  • vakamacalataka vakalekaleka e dua na irogo e vakavotui kina na tikina bibi ena ulutaga