E kena irairai ni na sega ni vakarusai Juta o Papiloni. E vakarurugi tu o Juta ena veiliutaki kaukaua ni matanitu o Ijipita. A nanumi tale ga nira sega ni kaukaua sara na kai Kalitia ni vakatauvatani kei Ijipita. Kena ikuri, levu na Jiu era sega ni vakabauta ni rawa ni vakatara o Jiova me vakarusai o Jerusalemi kei na kena valenisoro. Ia ena yaco dina na parofisai, vinakati gona vei Apakuki me wawa tiko ga, qori me yadra tiko qai ogaoga vakayalo.
Au kila vakacava ni sa voleka sara na icavacava?
Au na yadra tiko ga vakacava qai ogaoga tiko vakayalo?
