Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 NODA BULA VAKARISITO

“Na ka sa Vauca Vata na Kalou . . .”

“Na ka sa Vauca Vata na Kalou . . .”

Na Lawa e vola o Mosese e vakaroti ira na tagane era nanuma tiko mera sereki watidra, mera vakarautaka na ivola vakalawa ni veisere. E yaga vakalevu qori ni na sega kina na veisere vakaveitalia. Ia ena gauna i Jisu, era vakarawarawataka na veisere na iliuliu ni lotu. Sa rawa vei ira na tagane mera sereki watidra ena yavu ga e rawa. (“ivola ni veisere” ivakamacala ni vosa Mar 10:4, nwtsty; “sereka na watina,” “sa veibutakoci” ivakamacala ni vosa ena Mar 10:11, nwtsty) E vakabibitaka o Jisu ni vakawati kece e lewa qai tauyavutaka o Jiova. (Mar 10:2-12) Erau sa “lewe dua” na tagane kei na yalewa vakawati, ena dei tu ga nodrau vauci vata. Na yavu duadua ga vakaivolatabu e rawa kina na veisere me vaka e vakamacalataki ena Maciu, qori na “veiyacovi tawadodonu.”—Mac 19:9.

Nikua, e levu era raica na vakawati me vakataki ira ga na Farisi, sega ni rai i Jisu. Ni yaco na leqa, levu era totolo ga ni veisere. Era duatani na veiwatini lotu vaKarisito, era raica vakabibi na nodra bubului ni vakawati, ra qai saga ena nodra vinaka kece mera muria tiko ga na ivakavuvuli vakaivolatabu ni basika na leqa. Ni saravi oti na vidio Duavata na Vuvale ena Loloma kei na Veidokai, me saumi sara na taro e ra:

  • O na muria vakacava na Vosa Vakaibalebale 15:1 ena nomu vakawati, na cava e bibi kina?

  • O na muria vakacava na Vosa Vakaibalebale 19:11 me kua kina ni yaco na leqa?

  • Ke dredre sara ga me vinaka nomudrau bula vakawati, o na sega ni kaya, ‘Me keirau sa sere?’ na taro cava ga e dodonu mo vakasamataka?

  • Ni o muria na Maciu 7:12, ena uqeti iko vakacava mo tagane se yalewa vakawati vinaka?