Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 NODA BULA VAKARISITO

Veivakavulici ena Vidio

Veivakavulici ena Vidio

E dreta na matada na ka eda raica, eda na kila kina na ka vakavulici, e dredre tale ga meda guilecava. Qori na ka e vakayagataka o Jiova, na Dauniveivakavulici Levu me vakavulica kina eso na ka bibi. (Vte 15:5; Jr 18:1-6) Qori tale ga na ka e vakayagataka na Qasenivuli Levu o Jisu. (Mac 18:2-6; 22:19-21) Na vidio e dua na ivakaraitaki ni ka eda raica e yaga vakalevu ena vica na yabaki qo. Vakacava o sa vakayagataka vinaka tiko mo vakavulici ira kina na vuli iVolatabu?

E vakarautaki e tini na vidio meda veivakavulici kina ena brochure iTukutuku Vinaka Mai Vua na Kalou! Na ulutaga ni vidio yadua e tautauvata kei na dua na taro e volai ena matanivola kata ena brochure. E tiko na isema (link) ni vidio qori ena brochure e vakarautaki ena iyaya vakalivaliva, eda na kila kina na gauna meda vakaraitaka kina na vidio. Kena ikuri, eso tale na vidio e vakarautaki ena iVukevuke ni Veivakavulici (Teaching Toolbox).

Vakacava drau vulica tiko e dua na ulutaga vakaivolatabu ena rairai dredre me kila vinaka o nomu gonevuli? Se sotava tiko e dua na ituvaki? Vaqara na vidio e ganiti koya ena jw.org® kei na JW Broadcasting®. De rawa sara ga ni drau sarava vata, drau qai veivosakitaka.

E dau biu mai na vidio vovou e veivula. Gauna o sarava kina, vakasamataka o na vakayagataka vakacava mo vakavulica kina e dua.