Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 NODA BULA VAKARISITO

Qaqarauni ena Sala ni Veikilai ena Internet

Qaqarauni ena Sala ni Veikilai ena Internet

VUNA E BIBI KINA: Me vaka ga na iyaya tale eso, e tiko na vinaka kei na ca ni vakailala ena veilawa (internet). Eso na lotu vaKarisito era vakatulewataka mera kua ni vakayagataka qori. Eso tale e yaga vei ira mera veitaratara kina kei na nodra vuvale se itokani. Ia e vinakata na Tevoro meda vakayagataka vakatani, me ca kina na keda irogorogo se vakaleqa noda bula vakayalo. Me vakataki Jisu eda rawa ni muria na ivakavuvuli ena Vosa ni Kalou meda kila kina na leqa ena basika da qai qaqarauni.—Lu 4:4, 8, 12.

KA ME QARAUNI:

  • Kua ni vakayagataka vakasivia. Ni levu na gauna eda vakayagataka kina, eda sa vakamaumautaka na gauna talei e yaga ena veika vakayalo

    iVakavuvuli vakaivolatabu: Efe 5:15, 16; Flp 1:10

  • Saravi kina na veika tawakilikili. Ke vakaraici tiko ga na itaba e veivagarogaroi, ena bobula kina e dua ena saravi ni iyaloyalo vakasisila se itovo dukadukali. Na noda dau vakawilika tale ga na ka era tabaka na vukitani se nodra website, ena vakaleqa noda vakabauta

    iVakavuvuli vakaivolatabu: Mac 5:28; Flp 4:8

  • Biu eso na ivakamacala se itaba e sega ni veiganiti. Ni dau veivakaisini na lomada, eda rawa ni biuta eso na ivakamacala se itaba e sega ni veiganiti. Ia qo e rawa ni ca kina na kena irogorogo e dua se leqa vakayalo

    iVakavuvuli vakaivolatabu: Rom 14:13; Efe 4:29

SARAVA NA VIDIO QAQARAUNI NI O VAKAILALA ENA INTERNET QAI RAILESUVA NA SALA MO QAQARAUNI KINA NI YACO QO: