Nida lotu vaKarisito, e ‘saravi keda tu o vuravura.’ (1Ko 4:9) Meda kua gona ni kurabuitaka ke vakaraici keda tu mai katubaleka o itaukeinivale se vakarorogo lo tu mai loma. De dua ena tiko na itaba e lomanivale kei na gusunivosa ena vakayagataka me vakaraici keda mai kina, me rogoci keda se katona na ka eda tukuna. Qo eso na vakatutu me vinaka kina noda itovo nida duri tu e matanikatuba.​—2Ko 6:3.

• Mo doka na itaukeinivale, mo kua ni vakairoiro ena lomanivale. Kua ni kana, gunu, talevoni se vakauitukutuku tiko ni o duri tu ena matanikatuba

• Ni o duri tu ena matanikatuba, kua ni cavuta e dua na ka o na sega ni vinakata me rogoca o itaukeinivale. Eso na dautukutuku era na rairai galu tu mada me rawa nira vakasamataka na ka mera kaya