Raica sara na lewena

Raica na lewenivola

 NODA BULA VAKARISITO

Sala me Dei Kina na Vakawati

Sala me Dei Kina na Vakawati

Dua na veiwatini ivakaraitaki vinaka o Eparama kei Sera, erau dau veilomani, rau veidokai tale ga. (Vte 12:11-13; 1Pi 3:6) Sega ni kena ibalebale ni maravu tu ga na nodrau bula vakawati, erau vosota tale ga e levu na veika dredre. Na cava era vulica na veiwatini vei Eparama kei Sera?

Drau dau veivosaki. Vosa vakamalua ni cudru o watimu. (Vte 16:5, 6) Me tiko na gauna drau vakayagataka vata. Me kila o watimu ni o lomani koya ena ka o tukuna se cakava. Koya e bibi sara, mo drau vakaliuci Jiova ni drau vulica vata na iVolatabu, masu vata, sokalou vata tale ga. (Dvu 4:12) Ni dei na vakawati, ena rokovi kina o Jiova o koya e tauyavutaka na vakawati.

SARAVA NA VIDIO ME KAUKAUA TIKO GA NA IVAU NI VAKAWATI, OTI QAI SAUMA NA TARO QO:

  • E laurai vakacava eso na ivakatakilakila ni rau sa sega ni veivolekati o Shaan kei Kiara?

  • Na cava e bibi kina me rau veivosaki vakadodonu na veiwatini?

  • Na cava erau vulica o Shaan kei Kiara vei Eparama kei Sera?

  • Na cava rau cakava o Shaan kei Kiara me dei kina nodrau vakawati?

  • Na cava me rau kua kina ni namaka na veiwatini me maravu tu ga na bula vakawati?

E rawa ni dei nomu vakawati!