Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 NODA BULA VAKARISITO

Vunau kei na Veivakavulici—Bibi ena Veivakatisaipelitaki

Vunau kei na Veivakavulici—Bibi ena Veivakatisaipelitaki

E vakaroti ira na nona imuri o Jisu mera veivakatisaipelitaki. (Mac 28:19) E okati kina na vunau kei na veivakavulici. Koya gona ena vinaka meda dau taroga e veigauna, ‘Na cava meu cakava me vinaka tiko ga kina noqu vunau kei na veivakavulici?’

VUNAU

Eda na sega ni waraka mera gole mai na tamata, eda na gole meda vaqarai ira era ‘veiciqomi.’ (Mac 10:11) Nida vakaitavi ena cakacaka vakaitalatala, eda na yadrava na gauna veiganiti meda vosa kina vei ira ‘na dau tu’ ena veivanua qori. (Cak 17:17) A mai tisaipeli o Litia ni dau gumatua ni vunau o Paula.—Cak 16:13-15.

“Mo kaburaka na nomu sorenikau ena mataka, me kua ni cegu na ligamu me yacova na yakavi” (Dvu 11:6)

SARAVA NA VIDIO ‘KUA NI CEGU’ NA VUNAU TAWALOKUCI, E VEIVALE, QAI SAUMA NA TARO E RA:

  • E vakaraitaka vakacava e veisiga o Samuela ni gumatua ni tea na sore ni ka dina?

  • Na cava meda gumatua kina ni vakaitavi ena veimataqali vunau?

  • O cei o rawa ni wasea kina na itukutuku vinaka e veisiga?

VEIVAKAVULICI

Nida veivakatisaipelitaki, eda na sega ni solia wale ga na ivola. Me rawa nira toso vakayalo, ena vinakati meda veisikovi lesu qai caka vuli iVolatabu. (1Ko 3:6-9) Vakacava ke da saga ena noda vinaka taucoko meda vakavulica e dua qai sega ni toso vakayalo? (Mac 13:19-22) Bibi meda vaqarai ira ga era vaka na “qele vinaka.”—Mac 13:23; Cak 13:48.

“Au tea o yau, e vakasuasuataka o Apolosa, na Kalou ga e vakatubura” (1Ko 3:6)

SARAVA NA VIDIO ‘KUA NI CEGU’ NA VUNAU E MATANALEVU, VEIVAKATISAIPELITAKI, QAI SAUMA NA TARO E RA:

  • Erau vakasuasuataka vakacava na sore ni ka dina o Solomoni kei Meri e lomadrau o Isikeli kei Apikali?

  • Na cava me noda isausau nida vakaitavi ena veimataqali vunau, okati kina na vunau e matanalevu?

  • Eda na vakaraitaka vakacava ni bibi na noda vakavulica na ka dina?