Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 NODA BULA VAKARISITO

Kidavaki Ira Vakayalololoma

Kidavaki Ira Vakayalololoma

O cei me kidavaki? O ira kece na tiko ena soqoni vaKarisito​—ira na ka vou kei ira eda sa veikilai tu. (Rom 15:7; Ipe 13:2) Era okati tale ga kina o ira na tacida era rairai gade mai ena dua tale na vanua se o ira na malumalumu tu vakayalo era soqoni tale ni oti e vica na yabaki. Vakasamataka mada ke o tu ena kedra ituvaki. Macala ga ni na tarai iko na nodra veikauaitaki, se vakaevei? (Mac 7:12) Koya gona, vakacava mo vakararai ena loma ni Vale ni Soqoni mo kidavaki ira ni bera se ni suka na soqoni? Qori ena uqeta na veilomani kei na duavata e rokovi kina o Jiova. (Mac 5:16) Macala ga nida na sega ni rawa ni vosa kece vei ira na tiko ena soqoni. Ia ke da cakava noda itavi era na sega ni vakavulagitaki ira se mera madua. *

Na veikauaitaki dina ena sega ni laurai ga ena soqo bibi me vaka na iVakananumi. Nira raica na ka vou na noda veilomani vaKarisito, ena uqeti ira mera vakacaucautaka na Kalou, mera tomani keda tale ga ena sokalou dina.​—Jn 13:35.

^ para. 3 Na ivakavuvuli vakaivolatabu e sega ni vakatara meda kidavaki ira na vakasivoi se o ira na biuta na isoqosoqo era na rairai tiko ena soqoni.​—1Ko 5:11; 2Jn 10.