Vunau ni Soro 12:1-8
-
Vakasavasavataki ni vakasucu oti (1-8)
12 E kaya tale vei Mosese o Jiova:
2 “Tukuna vei ira na Isireli, ‘Ke sa bukete* e dua na yalewa qai vakasucuma e dua na tagane, ena dukadukali voli me vitu na siga, me vaka ga na siga e sega ni savasava kina ni matenivula+ tiko.
3 Ena ikawalu ni siga ena cilivi+ na kuli ni yagona vakatagane o gone.
4 Me 33 tale na siga na nona vakasavasavataki koya tiko mai na dra. Me kua ni tara e dua na ka tabu, me kua tale ga ni lako ina vanua tabu me yacova ni sa vakacavara na siga ni nona vakasavasavataki.
5 “‘Ke vakasucuma e dua na yalewa, ena dukadukali voli me 14 na siga, me vaka na gauna ni nona matenivula. Ena 66 tale na siga na nona vakasavasavataki koya tiko mai na dra.
6 Ni sa cava na siga ni nona vakasavasavataki ena vuku i luvena tagane se luvena yalewa, ena kauta o koya vua na bete ena icurucuru ni valelaca ni veitavaki e dua na luvenisipi tagane yabaki dua me isoro kama,+ kei na dua na ruve gone se kukuru me isoro ni ivalavala ca.
7 Ena cabora qori o koya ena mata i Jiova me veisorovaki ena vukuna, ena qai savasava o koya mai na dra e lakovi koya tu. Qo na lawa e vauca na yalewa e vakasucuma na tagane se yalewa.
8 Ia ke sega ni rawata e dua na sipi, me qai kauta e rua na kukuru se rua na ruve gone,+ e dua me isoro kama, qai dua me isoro ni ivalavala ca, ena sorovaki koya na bete ena qai savasava o koya.’”
iVakamacala e ra
^ Se “na kunekunetaka na kawa.”
