Vosa Vakaibalebale 31:1-31

  • VOSA NEI TUI LEMUELI (1-31)

    • O cei e kunea na yalewa maqosa me watina? (10)

    • Gugumatua, cakacaka vakaukaua (17)

    • Yalovinaka e tiko e yamena (26)

    • Ra vakacaucautaki koya na luvena kei na watina (28)

    • Rawa ni seavu na matakamica kei na matavinaka (30)

31  Na vosa nei Tui Lemueli, na itukutuku bibi e vakadreti koya kina o tinana:+   Na cava meu tukuna vei iko luvequ,Na cava, luve ni ketequ,Na cava, luvequ ni bubului?+   Mo kua ni solia na nomu kaukaua vei ira na yalewa,+Se muria na ivalavala era rusa kina na tui.+   Me kua o ira na tui, i Lemueli,Mera kua ni gunu waini na tuiSe mera kaya na turaga, “I vei na mequ?”+   Mera kua ni gunu ra qai guilecava na lawaMera vakatanitaka na nodra dodonu na vakaloloma.   Moni solia na gunu vei ira sa voleka ni mate+Kei na waini vei ira na rarawa vakalevu.+   Mera gunu mera guilecava na nodra dravudravua,Mera kua tale ni nanuma na nodra leqa.   Mo vosa ena vukudra na galu,Mo tokona nodra dodonu o ira kece na vakarau mate.+   Mo vosa, mo lewa vakadodonu,Mo tokona nodra dodonu na vakaloloma kei na dravudravua.+ א [Alefa] 10  O cei e kunea na yalewa maqosa* me watina?+ E yaga vakalevu o koya mai na lase.* ב [Peca] 11  E nuitaki koya o watina mai vu ni lomana,E sega ni yali vua e dua na ka yaga. ג [Kimela] 12  E caka vinaka vei tagane, sega ni caka ca,Ena gauna taucoko ni nona bula. ד [Teleca] 13  E rawata mai na vutinisipi kei na lineni,E marautaka na cakacaka ni ligana.+ ה [Ai] 14  E vaka na waqa ni dauveivoli,+E kauta mai vakayawa na kena kakana. ו [Vau] 15  E yadra tale ga ena matakacaca,Me vakarautaka na kedra nona lewe ni vuvaleKei na kedra iwasewase na nona yalewa dauveiqaravi.+ ז [Sayini] 16  E vakasamataka e dua na tikiniqele, e volia sara,E tea e dua na loganivaini ena nona sasaga.* ח [Keca] 17  E vakarautaki koya me cakacaka vakaukaua,*+E vakaukauataka na ligana. ט [Teca] 18  E raica ni toso vinaka na nona veivoli,E sega ni boko na nona cina ena bogi. י [Yota] 19  E taura na ligana na itokatoka ni lineni,E taura na ligana na itokatoka ni waniculacula.*+ כ [Kafa] 20  E dodoka na qeteqete ni ligana vei ira na vakaloloma,E tevuka na ligana vei ira na dravudravua.+ ל [Lameta] 21  E sega ni leqataki ira na lewe ni nona vuvale ena gauna ni ucacevata,Nira vakaisulukatakata* kece nona lewe ni vuvale. מ [Memi] 22  E cula ga nona iubiniloga. Na nona isulu e lineni kei na vutinisipi lokaloka. נ [Nuni] 23  E kilai o watina ena matamatanikoro,+Na vanua e dabe kina kei ira na qase ni vanua. ס [Sameki] 24  E cula na isulu lineni* e volitakaQai vakauta na beleti vei ira na dauveivoli. ע [Ayini] 25  E vakaisulu ena kaukaua kei na lagilagi,E vakanamata o koya ena nuidei ina veisiga nimataka.* פ [Pe] 26  E vosa vakavuku na gusuna,+Na lawa ni yalovinaka* e tiko e yamena. צ [Sati] 27  E vakaraica na ka e caka tiko ena nona vuvale,E sega ni kania na kakana* ni vucesa.+ ק [Kofa] 28  Era tucake na luvena ra qai tukuna vua ni marau,E tucake tale ga o watina me vakacaucautaki koya. ר [Resi] 29  E levu tu na yalewa maqosa,*Ia o iko o uasivi ira kece. ש [Sini] 30  E rawa ni lasu na matakamica, e rawa ni seavu* na matavinaka,+Ia na yalewa e dokai* Jiova ena vakacaucautaki.+ ת [Tau] 31  Moni solia vua na isau ni ka e cakava,*+Me vakacaucautaki koya na nona cakacaka ena matamatanikoro.+

iVakamacala e ra

Se “vinaka sara.”
Se “nona ilavo.” Ipe., “na ka e rawata e ligana.”
Ipe., “vauca na dibina ena kaukaua.”
Na itokatoka ni lineni kei na itokatoka ni waniculacula na kau e vakayagataki ena caka waniculacula se kula.
Ipe., “taqavirua.”
Se “isulu e loma.”
Se “reki ena gauna mai muri.”
Se “ivakavuvuli ni loloma, na lawa ni dei ni loloma.”
Ipe., “madrai.”
Se “vinaka sara.”
Se “ka wale.”
Ipe., “rerevaki.”
Ipe., “Moni solia vei koya na vua ni ligana.”