Vosa Vakaibalebale 3:1-35

  • Mo vuku mo nuitaki Jiova (1-12)

    • Rokovi Jiova ena nomu iyau (9)

  • Vakavumarau na vuku (13-18)

  • Veivakadeitaki na vuku (19-26)

  • iTovo vinaka mo vakaraitaka (27-35)

    • Veivuke ke tu vei iko na kaukaua (27)

3  Na luvequ, mo kua ni guilecava na noqu ivakavuvuli,*Me muria mada na lomamu na noqu ivakaro,   Ni na kuria na balavu ni nomu sigaKei na yabaki ni nomu bula, kei na nomu vakacegu.+   Me kua ni yali na dei ni nomu loloma kei na yalodina.*+ Mo vakaitaube kina,Mo vola ena vatu ni lomamu,+   O na kunea na loloma kei na yalomatua levuEna mata ni Kalou kei na tamata.+   Mo nuitaki Jiova+ ena lomamu taucoko,Mo kua ni vakararavi* ena nomu yalomatua.   Mo nanumi koya ena ka kece o cakava,+Ena vakadodonutaka na nomu ilakolako o koya.+   Mo kua ni nanuma ni o sa vuku.+ Mo rerevaki Jiova, mo lako tani mai na ca.   Ena bulabula kina na yagomu,*Ena kaukaua kina na suimu.   Mo rokovi Jiova ena nomu iyau,+Kei na isevu* kece ni nomu vuaniqele,*+ 10  Ena sinai vutuvutu kina na nomu valeniyau,+Ena vuabale na nomu ikeliniwaini ena waini vou. 11  Na luvequ, mo kua ni beca ni vakadodonutaki iko o Jiova,+Mo kua ni sevaka na nona veivunauci,+ 12  Ni o koya e lomana o Jiova e vunauca,+Me vaka ga e vakayacora na tama vua na luvena e lomana.+ 13  E marau na tamata e kunea na vuku+Kei koya e rawata na yalomatua, 14  E yaga me taukeni, e ca ni taukeni na siliva,E vinaka na kena tubu e ca na koula.+ 15  E talei sara mai na lase,*E sega ni vakatauvatani rawa kei na ka kece o taleitaka. 16  Na bula balavu e tiko ena ligana imatau,Na iyau kei na lagilagi e tiko ena ligana imawi. 17  Na kena sala e totoka,Na kena gaunisala kece e vakilai kina na vakacegu.+ 18  E kau ni bula vei ira na taura,Era marau o ira na taura matua tiko.+ 19  E tauyavutaki vuravura o Jiova ena nona vuku.+ E vakataudeitaki lomalagi ena nona yalomatua.+ 20  Ena nona kila e wasea kina na wasa titobuE lutu na tegu mai na o.+ 21  Na luvequ, me kua ni yali e matamu na ka* qori. Mo taura matua na vuku kei na raiyawa, 22  Rau na solia vei iko na bula,Kei na iukuuku ni domomu, 23  O na qai lako vakavinaka ena nomu sala,Ena sega ni tarabe na yavamu.*+ 24  Ni o davo sobu, o na sega ni rere,+O na davo sobu, ena vinaka na nomu moce.+ 25  O na sega ni taqayataka na rere vakidacala+Se na draki ca e lako yani vei ira na tamata ca.+ 26  Ni o Jiova ga ena nomu inuinui,+Ena taqomaka o koya na yavamu me kua ni tacori.+ 27  Kua ni bureitaka na ka vinaka vei ira e dodonu me soli vei ira+Ke tu vei iko na kaukaua* mo veivuke.+ 28  Kua ni kaya vua na wekamu, “Lako mada, lesu malua mai! Au na qai solia vei iko nimataka,”Ke o rawa ni solia ena gauna oya. 29  Mo kua ni nakita na ka ca vua na wekamu+Ni drau veiyaloni tiko. 30  Mo kua ni veiba kei na dua ni sega na kena yavu+Ke sega ni caka ca vei iko.+ 31  Mo kua ni vuvutaka na tamata voravora+Se muria na nona ivalavala, 32  Ni sevaka o Jiova na tamata lawakica,+Ia e veitokani voleka kei ira na yalododonu.+ 33  Na cudru i Jiova e tiko ena vale ni tamata ca,+Ia e vakalougatataka na nodra itikotiko na yalododonu.+ 34  E vakalialiai ira na dau veivakasewasewani,+Ia e lomani ira na yalomalumalumu.+ 35  O ira na vuku era na dokai,Ia o ira na sesewa era vakabekabea na ka e beci.+

iVakamacala e ra

Se “lawa.”
Se “dina.”
Ipe., “ravi.”
Ipe., “nomu ivicovico.”
Se “ka vinaka duadua.”
Se “ka o rawata.”
Dusia na itovo ni Kalou e cavuti mai na veitikina sa oti.
Se “tavutu ena dua na ka.”
Se “kaukaua ni ligamu.”