Vosa Vakaibalebale 28:1-28
28 E dro na tamata ca ni sega ni dua e cemuri koya,Ia o ira na yalododonu era yalodei me vaka na laione.*+
2 Ni cakacala* na vanua e veitaravi kina na kena turaga,+Ia ena veitokoni ni tamata yalomatua qai kilaka, ena dede kina na turaga.+
3 Na tamata dravudravua e dabui ira na vakaloloma+E vaka na uca e kuitaka kece na kakana.
4 O ira na biuta na lawa era vakacaucautaka na tamata ca,Ia o ira na muria na lawa era cudruvi ira.+
5 O ira na tamata ca era sega ni kila na lewadodonu,Ia o ira na qarai Jiova era kila na ka kece.+
6 E vinaka na tamata dravudravua e lako ena nona yalodina,E ca o koya e vutuniyau ni veidabui na nona ivalavala.+
7 Na gone yalomatua e muria na lawa,Ia na itokani dau kanavoro e vakamaduataki tamana.+
8 O koya e vakalevutaka na nona iyau ena tubu+ kei na rawatubuE kumuna me nona o koya e lomani ira na dravudravua.+
9 O koya e sega ni via rogoca na lawa,E sevaki sara ga na nona masu.+
10 O koya e vakacalai ira na yalododonu mera muria na sala ca ena lutu ena qara e kelia,+Ia o ira na cakadodonu era na taukena na ka vinaka.+
11 Na tamata vutuniyau e nanuma ga ni vuku,+Ia o koya e dravudravua qai yalomatua e kila na ka dina me baleti koya.+
12 Nira qaqa na yalododonu, e levu na marau,Ia nira veiliutaki na tamata ca, era vuni na lewenivanua.+
13 O koya e ubia na nona cala ena sega ni rawaka,+Ia o koya e vakatusa qai biuta ena lomani.+
14 E marau o koya e qaqarauni tiko,*Ia o koya e yalokaukaua ena yacovi koya na ca.+
15 E vaka na laione e tagi kei na bea e cici maiNa iliuliu ca e lewai ira na lewenivanua malumalumu.+
16 Na iliuliu sega ni yalomatua e vakatanitaka na nona lewa,+Ia o koya e cata na rawatubu ena ilawaki, ena vakabalavutaka na nona bula.+
17 Na tamata e lomaleqataka ni vakamatea e dua ena dro tiko ga ina ibulubulu.*+
Me kua ni dua e tokoni koya.
18 O koya e lako tiko vakadodonu ena vakabulai,+Ia o koya e veve na nona ivalavala ena bale vakasauri.+
19 O koya e teivaka na nona qele ena levu sara na kena madrai,Ia o koya e saga tiko na ka wale ena dravudravua vakalevu.+
20 Na tamata yalodina ena vakalougatataki vakalevu,+Ia o koya e kusava me vutuniyau ena sega ni dina tiko ga.+
21 E sega ni vinaka na veitovaki,+Ia ena rawa ni cala na tamata ena dua na tiki ni madrai.
22 Na tamata vuvu* e saga tiko na iyau,E sega ni kila ni na dravudravua kina.
23 O koya e vunauca na tamata+ ena lomani vakalevu ni oti ya+E ca o koya e veicavilaki e yamena.
24 O koya e butakoca na tamana kei na tinana qai kaya, “E sega ni cala,”+E veitokani kei na tamata e vakavuna na rusa.+
25 Na tamata kocokoco* e vakatubuveiba,Ia o koya e vakararavi vei Jiova ena rawaka.*+
26 O koya e nuitaka na lomana e lialia,+Ia o koya e valavala vakavuku ena dro bula.+
27 O koya e soli ka vua na dravudravua ena sega ni yali vua na ka,+Ia o koya e bobo na matana vei ira ena vosataki vakalevu.
28 Ni veiliutaki na tamata ca, e vuni na lewenivanua,Ia nira takali, era lewe levu mai na yalododonu.+
iVakamacala e ra
^ Se “luvenilaione.”
^ Se “vakaduduile.”
^ Se “rere tiko ga.”
^ Se “qara.”
^ Se “kocokoco.”
^ Se rawa ni, “viavialevu.”
^ Ipe., “ena levulevu.”
