Vosa Vakaibalebale 26:1-28
26 Me vaka na ucacevata ena vulaikatakata kei na uca ena gauna ni tatamusuki,E sega ni ganita na lialia me rokovi.+
2 Me vaka ni tiko na vuna me dro kina na manumanuvuka se veivukayaki na kakabace,Ena sega gona ni tubu na veicudruvi ni sega na vuna vinaka.*
3 E kena na ose na dali, e kena na asa na varaele,+Kei na kau e dakudra na yalowai.+
4 Mo kua ni vosa vua na yalowai me vaka na nona sesewa,De o tautauvata kei koya.
5 Mo vosa vua na yalowai me vaka na nona sesewa,De nanuma o koya ni vuku.+
6 E vakataki koya e musuka na yavana me vakamavoataka*O koya e tataunaka na ka vua na tamata yalowai.
7 Me vaka na gera* ni yavana na lokiloki,E vaka kina na vosa vakaibalebale e gusudra na tamata yalowai.+
8 Me vaka na vesu vatu ena irabo,E vaka kina ni vakalagilagi na tamata yalowai.+
9 Me vaka na cogadrogadro e lauta na ligana na daumateni,E vaka kina na vosa vakaibalebale e gusudra na tamata yalowai.
10 Me vaka na dauvana e vanavana wale,*E vaka kina o koya e sauma na yalowai se o ira na tavali.
11 E vaka na koli e lesu tale ina nona lua,Na yalowai e lesuva na nona sesewa.+
12 O sa raica na tamata e nanuma ni vuku?+
E vinaka sara nona veisiga nimataka na tamata yalowai ni vakatauvatani kei koya.
13 E kaya na vucesa: “E tiko e gaunisala na luvenilaione,Na laione e tiko ena rara ni koro!”+
14 E vuki tadola na katuba ena kena idi,E vaka kina na vucesa ena nona idavodavo.+
15 Na tamata vucesa e vunia na ligana ena loma ni boulu ni kana magiti,Ia e oca sara ga ni biuta lesu i gusuna.+
16 E nanuma na tamata vucesa ni vuku saraVei ratou na le vitu eratou sauma vakayalomatua na vosa.
17 E vaka e dua e dreta na daliga ni koliO koya e lako tu me cudruvaka* na veileti e sega ni nona.+
18 E vaka na lialia e vanataka na gasau waqa, na gasau, kei na mate*
19 Na tamata e dabuya na wekana qai kaya, “Au veiwali tiko ga!”+
20 Ni sega na buka, e boko na yameyame,Ni sega na vakaucaca e sega na veiba.+
21 Me vaka na qilaiso ina qilaiso waqa kei na buka ina bukawaqa,E vaka kina na tamata dauveiba e bukana na veiba.+
22 Na vosa ni dauvakaucaca e vaka na tikinikakana kana vinaka,*E tilomi me lako sobu sara ina kete.+
23 E vaka na iboro siliva ena ivorovoro ni iyaya qeleNa vosa vakayalovinaka* e tukuni ena lomaca.+
24 Na dau veicati e vakalecaleca ena tebenigusuna,Ia e vunia e lomana na veivakaisini.
25 E vosa vakayalovinaka, ia mo kua ni vakabauti koya,Ni tiko e lomana e vitu na ka vakasevaki.*
26 E vunitaka nona veicati ena veivakaisini.
Ia ena vakavotui na nona ca ena ivavakoso.
27 O koya e kelia na qara ena lutu kina,O koya e vaqiqica tani na vatu ena qiqici koya tale.+
28 Na yame daulasu e cati ira e vakararawataka,Kei na gusu veicavilaki e vakavuna na rusa.+
iVakamacala e ra
^ Se rawa ni, “E vaka kina na veicudruvi e sega ni dodonu me tau.”
^ Ipe., “gunuva na ivalavala kaukaua.”
^ Se “lili.”
^ Se “koya e vakamavoataka na tamata kece.”
^ Se rawa ni “siova.”
^ Se “gasau ni mate.”
^ Se “vaka na ka e tilomi totolo.”
^ Ipe., “tebenigusu mamakutu.”
^ Se “Ni sevaki sara ga na lomana.”
