Vosa Vakaibalebale 25:1-28
25 Qo tale ga na vosa vakaibalebale i Solomoni+ era lavetaka* na tamata nei Esekaia+ na tui Juta:
2 E rogo na Kalou ni vunia na ka,+Era rogo na tui nira vaqaqa na ka.
3 Me vaka na cecere ni lomalagi kei na titobu ni vuravura,E sega ni kilai vaka kina na lomadra na tui.
4 Kauta tani na denikaukamea mai na siliva,Ena qai savasava vakadua.+
5 Kauta tani na tamata ca e matana na tui,Ena qai vakataudeitaki na nona idabedabe vakaturaga ena ivalavala dodonu.+
6 Mo kua ni dokai iko e matana na tui,+Mo kua ni tu ena nodra tikina na turaga,+
7 E vinaka me tukuna vei iko, “Lako mai cake qo,”E ca ni vakamaduataki iko e matana na turaga.+
8 Mo kua ni vakusakusa ni veilewai,Na cava o na cakava ena dua na gauna e muri ke vakamaduataki iko na wekamu?+
9 Mo drau veivosakitaka kei na wekamu na nomu kisi,+Ia mo kua ni vakacila na itukutuku vuni e tukuni vei iko,*+
10 Ena sega kina ni vakamaduataki iko o koya e vakarorogo tiko,O qai tukuna na itukutuku ca* ena sega ni vakasukai rawa mai.
11 E vaka na yapolo koula ena iyaya* ceuti ena silivaNa vosa e tau ena gauna donu.+
12 E vaka na saunidaliga koula kei na iukuuku koula savasavaNa veivunauci vuku vua na daliga rogo.+
13 E vaka na batabata ni ucacevata ena siga ni tatamusukiNa italai e yalodina vei ira na talai koya,Ni vakaceguya na nona turaga.+
14 E vaka na o kei na cagi e sega na kena ucaNa tamata e sakitaka na iloloma e sega ni soli vua.*+
15 Na vosota e rawai kina na komada,Kei na yame malumu* e rawa ni musuka na sui.+
16 Ke o raica na denioni, kania ga na ka e rauti iko,Ke o kania vakasivia, o na luaraka mai.+
17 Mo kua ni lako wasoma ina vale ni kainomu,De o vakasosani koya qai cati iko.
18 E vaka na iwau, na iseleiwau, kei na gasau gataNa ivakadinadina lasu e beitaka na wekana.+
19 E vaka na bati ramusu se yavageraNa vakanuinui vua na tamata sega ni nuitaki* ena gauna ni leqa.
20 Me vaka e dua e luvata na nona isulu ena siga batabataE vaka tale ga na viniqa e livi ena sotaO koya e lagasere vua e lomabibi.+
21 Ke viakana na kemu meca,* solia vua na madrai me kania,Ke karamaca solia vua na wai me gunuva,+
22 O sa binia tiko na qilaiso waqa e uluna,*+Ena saumi iko o Jiova.
23 Na cagi na vualiku e kauta mai na uca bi,Kei na yame daukakase e vakavuna na matacudrucudru.+
24 E vinaka na tiko ena tutu ni dokanivaleE ca na tiko kei na yalewa vakawati dauveiba* ena dua ga na vale.+
25 E vaka na waibatabata vua* e ocaNa irogo vinaka mai na vanua yawa.+
26 E vaka na mataniwai vuvu kei na toevu caNa tamata yalododonu e vakamalumalumu vua* na tamata ca.
27 E sega ni vinaka me laukana vakalevu na denioni,+E sega tale ga ni vinaka na viavia rogo.+
28 E vaka na koro e botei ni sega na kena bai,Na tamata e sega ni lewa vinaka na nona cudru.*+
iVakamacala e ra
^ Se “lavetaka qai biuta vata.”
^ Se “na nodra ka vuni eso.”
^ Se “itukutuku sega ni vakadeitaki e vakavu ca.”
^ Se “itutu.”
^ Ipe., “na iloloma sega ni dina.”
^ Se “malua.”
^ Se rawa ni “daulawaki.”
^ Ipe., “o koya e cati iko.”
^ Oya me vakamalumutaki koya, me kauta tani nona yalokaukaua.
^ Se “daucike.”
^ Ipe., “neʹphesh.” Raica na iVakamacala ni Vosa.
^ Se “duavata kei.” Ipe., “tataivatia e mata ni.”
^ Se “sega ni lewa na yalona.”
