Vosa Vakaibalebale 24:1-34
24 Mo kua ni vuvutaki ira na tamata ca,Mo kua ni via maliwai ira,+
2 Ni vakasamataka na lomadra na ivalavala kaukaua,Kei na tebenigusudra e tukuna na ka ca.
3 Na vuku ga e tara kina na vale,*+Kei na yalomatua e vakataudeitaka.
4 Na kilaka e oso kina na kena rumuEna veimataqali iyau mareqeti qai talei.+
5 Na tamata vuku e kaukaua,+Na kilaka e kuria na kaukaua ni tamata.
6 Ena veidusimaki vinaka* o na ia kina nomu vala,+E rawa na qaqa* ni levu na daunivakasala.+
7 Na vuku dina e dredre vua na lialia,+E sega ni vosa rawa ena matamatanikoro.
8 O koya e nakita na ka caEna vakatokai me iliuliu ni nakica.+
9 Na lalawa lialia* e valavala ca,Era sevaka na tamata na dauveivakalialiai.+
10 Ke o yalolailai ena siga ni rarawa,*Ena lailai na nomu kaukaua.
11 Mo vakabulai ira era kau mera mate,Mo tarovi ira na veisuayaki mera lai vakamatei.+
12 Ke o kaya, “Ia keitou sega ni kila na ka qo,”E sega ni kauaitaka o koya e dikeva na lomada?*+
Io, ena kila o koya e raici iko tikoEna qai sauma yadua na tamata me vaka na ka e cakava.+
13 Na luvequ, mo kania na denioni ni ka vinaka,E kamikamica e gusumu na denioni mai na qanioni.
14 Mo kila tale ga ni vinaka* vei iko na vuku.+
Ke o kunea ena vinaka na nomu gauna se bera mai,Ena sega ni muduki na nomu inuinui.+
15 Mo kua ni toka vuni volekata na vale ni yalododonu mo nakicataka,Mo kua ni vakacacana na nona vanua ni vakacegu.
16 De bale vakavitu na yalododonu ena duri tale,+Ia o ira na tamata ca era na tarabe ena ka ca.+
17 Ni lutu na kemu meca mo kua ni marau vakalevu,Ni tarabe o koya me kua ni reki na lomamu,+
18 De dua ena raica o Jiova qai ca vua,Ena sega ni cudruvi koya.*+
19 Mo kua ni rarawataki* ira na daucaka ca,Mo kua ni vuvutaki ira na tamata ca,
20 Ni na sega na nona inuinui na tamata ca,+Na nodra cina na tamata ca ena boko.+
21 Na luvequ, mo dokai* Jiova kei na tui.+
Mo kua ni maliwai ira na veivorati,+
22 Ni na vakasauri ga na kedra itinitini.+
O cei e kila na ka erau* na vakayacora vei ira?+
23 Na vosa qo e baleti ira tale ga na vuku:
E sega ni vinaka na veitovaki ena vakataulewa.+
24 O koya e kaya vua na tamata ca, “O donu o iko,”+Era na vosabeci koya na lewe ni veivanua ra qai cudruvi koya na veimatanitu.
25 Ia ena vinaka vei ira na vunauci koya,+Era na vakalougatataki ena ka vinaka.+
26 Ena reguci na tebenigusu i koya e vosa dina.*+
27 Mo vakarautaka nomu cakacaka e tautuba, mo vakarautaka na ka kece ena were,Mo qai tara na nomu vale.*
28 Mo kua ni beitaka wale na wekamu.+
Mo kua ni vakacala eso ena tebenigusumu.+
29 Mo kua ni kaya: “Au na cakava vua me vaka ga e cakava vei au,Au na sauma vua me vaka na nona ivalavala.”+
30 Au lako yani ena nona were na tamata vucesa,+Ena nona loganivaini na tamata yalowai.
31 Au raica ni tubu tu kina na co ca,E robota na delana na salato,Sa kasura tale tu ga na kena baivatu.+
32 Au raica qo au vakasamataka e lomaqu,Au raica, au vulica kina qo:*
33 Me vakalailai na moce, me vakalailai na sosovu,Me vakalailai na roqoliga ni o vakacegu,
34 Ena qai lako mai na nomu dravudravua me vaka na daubutako,Kei na nomu viakana me vaka na tamata vakaiyaragi.+
iVakamacala e ra
^ Se “vuvale.”
^ Se “ivakasala yaga.”
^ Se “sasaga, veivakabulai.”
^ Se “Na lalawa ni tamata lialia.”
^ Se “gauna ni leqa.”
^ Se “noda inaki.”
^ Se “kamikamica.”
^ Oya na meca.
^ Se “katakatataki.”
^ Ipe., “rerevaki.”
^ Oya o Jiova kei na tui.
^ Se rawa ni, “Na vosa vakadodonu e vaka na nomu reguca e dua.”
^ Se “vuvale.”
^ Ipe., “Au muria na veivakavulici.”
