Vosa Vakaibalebale 22:1-29
22 Me digitaki na yaca rogo vinaka* me kua na iyau levu,+E vinaka meda dokai* e ca na siliva kei na koula.
2 Erau tautauvata na vutuniyau kei na dravudravua:
E buli rau o Jiova.+
3 O koya e yalomatua e raica na ca qai vunitaki koya,Ia na yalowai e lako tu yani qai yacovi koya na leqa.
4 Na vua ni yalomalumalumu kei na dokai* JiovaNa iyau, na lagilagi kei na bula.+
5 Na wavakavotona kei na icori e tu ena sala ni tamata veidabui,Ia o koya e mareqeta na nona bula e yawaka qori.+
6 Mo vakavulica na gone ena sala me muria,+Ni qase mai ena sega ni gole tani mai kina.+
7 Na vutuniyau e lewai ira na dravudravua,Kei na daukerekere e bobula vei koya e solia vua na ka.+
8 O koya e kaburaka na itovo ca ena tamusuka na ka ca,+Ia na kuita ni nona cudru katakata ena oti vakadua.+
9 Na tamata yalovinaka* ena vakalougatataki,Ni wasea na kena kakana vua na dravudravua.+
10 Mo cemuria na tamata dauveivakalialiai,Ena oti kina na veiba,Ena mudu na veileti* kei na veivosataki.
11 O koya e vinakata na yalosavasava qai rogo vinaka na ka e tukunaEna veitokani kei na tui.+
12 Na mata i Jiova e taqomaka na kilaka,Ia e vukica o koya na vosa ni dauveivakaisini.+
13 E kaya na vucesa: “E tiko e tautuba na laione!
Au na vakamatei ena loma ni rara ni koro!”+
14 Na gusudra na yalewa murilomadra* e qara titobu.+
Ena lutu kina o koya e cudruva o Jiova.
15 Na ka lialia e vauci e lomana na gone,+Ia na kuita ni veivakavulici ena kauta tani vakayawa.+
16 O koya e dabuya na dravudravua me vakalevutaka na nona iyau+Kei koya e soli iloloma vua na vutuniyau,Ena tini dravudravua ga.
17 Mo vagolea na daligamu mo rogoca na nodra vosa na vuku,+Me kila kina na lomamu na ka au vakavulica,+
18 E vinaka mo katona e lomamu,+Me tiko dei ga ena tebenigusumu.+
19 Mo nuitaki Jiova,Au sa vakamacalataka vei iko nikua na ka.
20 Vakacava, au a sega ni vola yani vei iko,Ena ivakasala kei na kilaka,
21 Meu vakavulici iko ena dina kei na nuitaki ni vosa,Mo lesu ni o kauta na itukutuku dodonu vei koya e talai iko mai?
22 Mo kua ni butakoca na dravudravua baleta ni dravudravua,+Mo kua ni vakasaurarataka na tamata vakaloloma ena matamatanikoro,+
23 Ni na totaki ira o Jiova+Ena vakamatei* ira na dabui ira.
24 Mo kua ni veitokani kei na tamata cudrucudruSe veimaliwai vata kei na dua e cudru katakata,
25 De o vulica na nona ivalavalaO qai coriti kina.+
26 Mo kua ni maliwai ira na lululu ni veidinadinati,Era solia na ivakadei ni dinau.+
27 Ke o sega ni sauma rawa,Ena kau tani na nomu idavodavo o dau davo kina!
28 Mo kua ni tosoya na iyalayala ni vanua ni gauna makawaEra biuta tu na nomu qase.+
29 O sa bau raica e dua e kenadau ena nona cakacaka?
Ena tu o koya e matadra na tui;+Ena sega ni tu e matadra na tamata wale.
iVakamacala e ra
^ Ipe., “lomani.”
^ Se “irogorogo vinaka.” Ipe., “na yaca.”
^ Ipe., “rerevaki.”
^ Ipe., “O koya e mata vinaka.”
^ Se “kisi ni veilewai.”
^ Se “butakoci ira.”
