Vakarua 33:1-29
33 Qo na vosa ni veivakalougatataki e cavuta o Mosese na tamata ni Kalou dina vei ira na Isireli ni bera ni mate.+
2 E kaya:
“O Jiova—e lako mai Saineai,+O koya tale ga e cilavi ira mai Sia.
E serau ena lagilagi o koya mai na veiulunivanua ena yasayasa o Perana,+Qai tu vata kei koya na iwiliwili levu ni agilosi yalosavasava,*+Era tiko ena ligana i matau o ira na nona qaqa.+
3 E dau karoni ira nona tamata.+
Na nodra yalosavasava kece era tu e ligamuni.+
Era dabe tiko e yavamuni.+
Era tekivu vakarogoca na nomuni vosa.+
4 (E solia vei keimami o Mosese e dua na ivakaro, e dua na lawa,+Me ivotavota ni ivavakoso i Jekope.)+
5 E qai tui e Jesuruni*+ o koya,Nira soqoni kece mai na nodra iliuliu na tamata,+Kei na yavusa kece ni Isireli.+
6 Me bula o Rupeni, me kua ni mate,+Mera kua ni le lailai na nona tamata.”+
7 E qai cavuta o koya na vosa ni veivakalougatataki qo vei Juta:+
“I Jiova, ni rogoca mada na domo i Juta:+
Moni qai kauti koya lesu mai vei ira na nona tamata.
Na ligana sa taqomaka* na ka e taukena o koya,Ni vukei koya tale ga vei ira na kena meca.”+
8 Ena vuku i Livai e kaya o koya:+
“Na nomuni* Camimi kei na nomuni Urimi+ e nona na tamata e yalodina vei kemuni,+O koya oni vakatovolea mai Masa.+
Oni tekivu vala kei koya ena wai e Meripa,+
9 Na tamata e tukuna vua na tamana kei na tinana, ‘Au sega ni lomani rau.’
E sega mada ga ni kauaitaki ira na tuakana se tacina,+E vakawaletaki ira tale ga na luvena.
Nira maroroya na nomuni vosa,Ra qai muria na nomuni veiyalayalati.+
10 Laiva mera vakasalataki Jekope ena nomuni lewa+Kei ira na Isireli ena nomuni Lawa.+
Laiva mera vakama na ka boivinaka me talei vei kemuni*+ na kena iboiKei na isoro taucoko ena nomuni icabocabonisoro.+
11 Kemuni Jiova, ni vakalougatataka mada ga nona kaukaua,Ni marautaka tale ga na cakacaka ni ligana.
Ni musuka na yavadra* era vorati koya,Mera kua tale ni duri rawa o ira na cati koya.”
12 Ena vuku i Penijamini e kaya+ o koya:
“Laivi koya e dau lomana o Jiova me tikovakacegu ena vukuna,Ni vakarurugi koya tiko ena siga taucoko,Ena tiko o koya ena maliwa ni tabana.”
13 Ena vuku i Josefa e kaya+ o koya:
“Me vakalougatataka na nona vanua o Jiova+Ena veika talei mai lomalagi,Ena tegu kei na wai mai na vure e ra,+
14 Ena veika talei e vakatubura na matanisigaKei na veika talei e vuataki e veivula,+
15 Ena veika talei mai na veiulunivanua+ makawa*Kei na veika talei ni veidelana tudei,
16 Ena veika talei ni vuravura kei na ka e sinai tu kina,+Kei na veivakadonui i koya e tiko e loma ni kau vakavotona.+
Mera tau e ulu i Josefa,Ena buradelai koya e digitaki vei ira na tacina.+
17 Na kena totoka e vaka na imatai ni luvenibulumakau tagane e sucu,Kei na nona ileu, na ileu ni bulumakau tagane kila.
Ena biliga* kina na veimatatamataKece ina iyalayala kei vuravura.
O ira qori na oba vakaoba na Ifireimi,+O ira tale ga na veiudolu na Manasa.”
18 Ena vuku i Sepuloni e kaya+ o koya:
“Mo marau vakalevu Sepuloni ena nomu lako yani,O iko tale ga Isakari ena nomu veivalelaca.+
19 Era na kaciva na veimatatamata ina ulunivanua.
Era na cabora e kea na isoro ni yalododonu.
Nira na kauta mai na iyau era bini tu* e wasawasaKei na iyau e vunitaki ena nuku.”
20 Ena vuku i Kata e kaya+ o koya:
“Me kalougata o koya e vakalevutaka na iyalayala i Kata.+
E davo voli e kea me vaka na laione,Ni vakarau tu me basuraka na liga kei na qavokavoka.
21 Ena digitaka o koya na imatai ni iwasewase me nona,+Ni sa maroroi+ tu e kea na nona ivotavota na vunilawa.
Era na kumuni vata mai na iliuliu ni tamata.
Ena tauca o koya na yalododonu i Jiova,Kei na nona lewa vei ira na Isireli.”
22 Ena vuku i Tani e kaya+ o koya:
“E luve ni laione o Tani.+
Ena lade mai Pasani.”+
23 Ena vuku i Nafitalai e kaya+ o koya:
“Sa mamau o Nafitalai ena veivakadonuiQai sinai ena veivakalougatataki i Jiova.
Lai taukena na ra kei na ceva.”
24 Ena vuku i Aseri e kaya+ o koya:
“Me vakalougatataki o Aseri ni vakaluveni.
Mera vakadonui koya mada ga na tacina,Me tonia* na yavana ena waiwai.
25 E kaukamea qai kopa na nomu loka ni matamata,+O na qai tikovinaka ena nomu veisiga kece.*
26 E sega ni dua e tautauvata kei na Kalou dina+ i Jesuruni,+E vodo takosova na lomalagi me vukei kemuniE vodo tale ga ena dela ni o ena nona lagilagi.+
27 E ivakaruru na Kalou mai na gauna makawa sara,+E tabei kemuni na ligana tawamudu.+
Ena vakatalai ira tale ga na meca mai matamuni,+Ena qai kaya, ‘Vakawabokotaki ira!’+
28 Era na tiko vakacegu na Isireli,Ena tu taudua na vure i JekopeEna vanua ni covuata kei na waini vou,+Ena miri na tegu+ mai na kena lomalagi.
29 Moni marau na Isireli!+
O cei tale e vakataki kemuni,+Na matatamata e marautaka tiko na veivakabulai i Jiova,+Na nomuni isasabai ni itataqomaki+Kei na nomuni iseleiwau lagilagi?
Era na vakamalumalumu e matamuni na kemuni meca,+Oni na butuka tale ga na dakudra.”*
iVakamacala e ra
^ Se “na oba vakaoba na yalosavasava.”
^ Kena ibalebale “O Koya e Yalododonu,” na icavuti vakarokoroko kei Isireli.
^ Se “sa vala ena vuku ni.”
^ “Nomuni” kei na “kemuni” ena tikina qo e dusia na Kalou.
^ Ipe., “ena ucumuni.”
^ Se “na dibidra.”
^ Se rawa ni “veiulunivanua ena tokalau.”
^ Se “Ena cumuta.”
^ Ipe., “era na domica na levu ni.”
^ Se “Me savata.”
^ Ipe., “Qai vaka na nomu veisiga na nomu kaukaua.”
^ Se rawa ni, “veivanua cecere.”
