Tiko Voli Mai na Lekutu 24:1-25
24 Ni raica o Pelami ni taleitaka* o Jiova me vakalougatataki Isireli, sa sega ni qai gole tale me lai qara na itukutuku vuni ni leqa,+ ia e vagolea na matana ina vanua talasiga.
2 Ni tacake o Pelami qai raici Isireli ni keba tu vakayavusa,+ e qai sobuti koya na yalo ni Kalou.+
3 E cavuta sara o koya na vosa vakaibalebale qo:+
“Na vosa i Pelami na luvei Piori,Kei na vosa ni tamata sa rai na matana,
4 Na vosa i koya e rogoca na vosa ni Kalou,O koya e raica na raivotu i koya e Kaukaua Duadua,O koya e cuva sobu qai sega ni ubi na matana:+
5 Sa totoka dina na nomu veivalelaca, i Jekope,Na nomu veitikotiko, i Isireli!+
6 E vaka na veibuca* e dodo vakayawa sara,+E vaka na veiteitei e batiniuciwai,E vaka na kau na elou* e tea o Jiova,E vaka na sitari e batiniwai.
7 E tuturu tiko na wai mai na rua na nona vokete leca,Qai kaburaki na nona sorenikau* ena yasa ni wai.+
Na nona tui+ tale ga ena cecere cake vei Ekaki,+Ena qai vakacerecerei na nona matanitu.+
8 E kauti koya tiko mai Ijipita na Kalou,O koya e vaka na ileu ni bulumakau tagane kila vei ira.
Ena tilomi ira na veimatanitu, era dau vakasaurarataki koya,+Ena baria na nodra sui o koya, ena vorolaki ira o koya ena nona gasau.
9 E noqo o koya, e davo vaka na laione,Ia me vaka na laione, o cei e bolea me vakayadrati koya?
Era kalougata o ira na vosa vakalougatataki iko tiko,Era kalouca o ira na vosavakacacataki iko tiko.”+
10 E katakatataki Pelami sara ga o Pelaki. E sau na ligana ena veibeci qai tukuna vei Pelami: “Au a kacivi iko mai mo cudruvi ira na kequ meca,+ ia e sega ni dua tale na ka o cakava, o vosa vakalougatataki ira ga ena gauna tolutolu qo.
11 Ia qo mo lesu totolo i vale. A noqu inaki meu rokovi iko vakalevu,+ ia raica! O Jiova e tarovi iko mo kua ni rokovi.”
12 E kaya o Pelami vei Pelaki: “Au sega ni bau tukuna vei ira na italai o tala mai,
13 ‘Ke mani solia vei au o Pelaki na nona vale e sinai tu kina na siliva kei na koula, au na sega ni cakava rawa e dua na ka ena noqu lewa* ga, me beci kina na ivakaro i Jiova, se mani vinaka se ca. Au na tukuna ga na ka ena kaya vei au o Jiova’?+
14 Ia qo au sa lako yani vei ira na noqu tamata. Mai, meu vakasalataki iko mada ena ka era na cakava na tamata qo vei ira na nomu tamata ena veigauna se bera mai.”*
15 E qai cavuta o koya na vosa vakaibalebale qo:+
“Na vosa i Pelami na luvei Piori,Kei na vosa ni dua na tamata sa rai na matana,+
16 Na vosa i koya e rogoca na vosa ni Kalou,Kei koya e tu vua na kila me baleti koya sa Cecere Duadua,E raica o koya na raivotu i koya e Kaukaua Duadua,Ni cuva sobu tiko qai sega ni ubi na matana:
17 Au na raici koya, ia sega ni wale ga qo,Au na raici koya, ia se yawa.
Ena cadra mai vei Jekope e dua na kalokalo,+Ena tubu mai vei Isireli+ e dua na ititoko+ vakatui.
Ena vorolaka sara ga o koya na yadre i Moapi*+Kei na nodra qavokavoka kece na luve ni tiko yavavala.
18 Ena qai taukeni o Itomi,+Io, ena taukeni Sia+ na kena meca,+Ni vakaraitaka voli o Isireli na nona yaloqaqa.
19 E dua mai vei Jekope ena lai ravuravu,+Ena qai vakarusai koya ga e bula mai na koro.”
20 Ni raici Amaleki, e tosoya tale nona vosa vakaibalebale ni kaya:
“O Amaleki na imatai mai na veimatanitu,+Ia e muri, ena rusa o koya.”+
21 Ni raici ira na Kenaiti,+ e tosoya tale nona vosa vakaibalebale ni kaya:
“E taqomaki vinaka na nomu itikotiko, e tu ena vatu na nomu vale.
22 Ia ena vakamai Keini* e dua.
Ena vakacava na dede ni nona kauti iko vakavesu o Asiria?”
23 E tosoya tale o koya nona vosa vakaibalebale ni kaya:
“Isa! O cei ena bula ni sa cakava qo na Kalou?
24 Era na soko mai na baravi kei Kitimi na waqa,+Era na vakararawataki Asiria,+Era na vakararawataki Iperi tale ga.
Ena rusa vakadua tale ga o koya.”
25 E tucake sara o Pelami+ qai gole lesu i nona itikotiko. E gole tale ga o Pelaki ena nona ilakolako.
iVakamacala e ra
^ Ipe., “vinaka ena mata i.”
^ Se “na waimaca.”
^ Se “nona kawa.”
^ Ipe., “ka mai lomaqu.”
^ Se “ena icavacava ni veisiga.”
^ Se “na kanavalavala ni ulu i Moapi.”
^ Oya nodra yavusa na Kenaiti.
