Sakaraia 9:1-17
9 Na itukutuku bibi:
“Na vosa i Jiova e cudruva kina na vanua o Ateraka,E tau tale ga vei Tamasiko,+Ni wanonova na kawatamata na mata i Jiova+Kei na yavusa kece e Isireli,
2 E tau tale ga vei Emaci,+ na vanua volekata,Vei Taia+ kei Saitoni+ ni rau vuku sara.+
3 E tara o Taia e dua na nona bai,*E binia na siliva me vaka na kuvuniqeleKei na koula me vaka na duka ni gaunisala.+
4 Raica! O Jiova ena kauta tani na nona iyau,Ena mokuta na nona mataivalu ena loma ni wasawasa,*+Ena vakamai ena bukawaqa.+
5 Ena raica qori o Asikiloni ena rere,O Kesa ena vakila na rarawa levu,
Kei Ekironi ni sa vakamaduataki na nona inuinui.
Ena mate e dua na tui mai Kesa,O Asikiloni ena sega ni tawani.+
6 Ena tiko e Asoto e dua na luvenisala,Au na muduka na viavialevu nei Filisitia.+
7 Au na kauta tani na dra mai gusunaKei na ka vakasisila mai na maliwa ni batina,Ena vo tu ga o koya me nona na noda Kalou,Ena vaka na turaga* e Juta,+O Ekironi ena vaka na Jepusaiti.+
8 Au na keba meu yadrava na noqu vale,+Me kua ni dua e lako yani se lesu mai,Ena sega ni lako tale kina e dua na iliuliu ni cakacaka,*+Niu sa raica qori* e mataqu.
9 Mo reki vakalevu na goneyalewa ni Saioni.
Mo kaila ena qaqa na goneyalewa ni Jerusalemi.
Raica! Sa lako yani vei iko na nomu tui.+
E yalododonu o koya, ena veivakabulai,*E yalomalumalumu,+ e vodo tiko ena asa,Ena luveniasa,* na luve ni asa yalewa.+
10 Au na kauta tani na qiqinivalu mai IfireimiKei na ose mai Jerusalemi.
Ena kau tani na dakaititi ni ivalu.
Ena tukuna o koya na veisaututaki ina veimatanitu,+Ena lewa o koya mai na dua na wasawasa ina dua tale na wasawasa,Mai na Uciwai* tale ga ina iyalayala kei vuravura.+
11 Ia o iko, ena dra ni nomu veiyalayalati,Au na sereki ira na nomu kaivesu mai na qara e sega kina na wai.+
12 Moni lesu ina nomuni idrodro, o kemuni na kaivesu e tiko na nomuni inuinui.+
Au tukuna vei iko nikua,‘Au na solia tale vei iko e rua na ivotavota.+
13 Au na loveci* Juta me noqu dakaititi.
Au na tawani Ifireimi ena dakaititi,*Au na vakayadrati ira na luvemu, Saioni,Mera cudruvi ira na luvemu, Kirisi,Au na vakayacori iko mo vaka na iseleiwau ni tamataivalu.’
14 Ena kilai ni tokoni ira o Jiova,Ena lako yani na nona gasau me vaka na liva.
Ena uvuca na davui*+ na Turaga Cecere Duadua o Jiova,Ena lako vata yani kei na cagi kaukaua ni ceva.
15 Ena taqomaki ira o Jiova ni lewe vuqa,*Era na vakadruka ra qai vakamalumalumutaka na vatu ni irabo.+
Era na gunu ra qai kosakosa me vaka nira gunu waini,Era na vakasinaiti me vaka na boulu,Me vaka na tutu ni icabocabonisoro.+
16 O Jiova na nodra Kalou ena vakabulai ira ena siga oya,Me vaka na qelenisipi ni nona tamata,+Nira na vaka na vatutalei ena isalanitui e tatibi tiko ena nona qele.+
17 E levu dina na nona yalovinaka,+E levu tale ga na kena totoka!
Na covuata ena vakabulabulataki ira na cauravou,Kei ira na goneyalewa na waini vou.”+
iVakamacala e ra
^ Se “koronivalu.”
^ Se rawa ni, “e wasawasa.”
^ Na turaga ni yavusa.
^ Se “dauveivakasaurarataki.”
^ Nodra rarawa na nona tamata.
^ Se “asa tagane.”
^ Se “qaqa.”
^ Oya na Uferetisi.
^ Oya me vaka na gasau.
^ Ipe., “butuki.”
^ Ipe., “ileu.”
^ Qo na mataivalu vakalomalagi.
