Sakaraia 5:1-11
5 Au tacake tale au raica e dua na ivolavivigi ni vuka tiko.
2 E tarogi au na agilosi: “Na cava o raica?”
Au kaya: “Au raica e dua na ivolavivigi ni vuka tiko, na kena balavu e 20 na kiupiti,* na kena raba e 10 na kiupiti.”
3 E qai kaya vei au o koya: “Qo na ca ena roboti vuravura taucoko, ni o ira kece era butako+ me vaka e volai ena dua na yasana era sega ni totogitaki, o ira kece era bubului+ me vaka e volai ena yasana adua era sega ni totogitaki.
4 ‘Au sa tala yani,’ e kaya o Jiova ni lewe vuqa,* ‘ena curu ena vale ni daubutako kei na nona vale o koya e bubului lasu ena yacaqu; ena tiko ga ena lomanivale me vakarusa vata kei na kena kau kei na kena vatu.’”
5 E torovi au mai na agilosi keirau veivosaki tiko, e kaya vei au: “Yalovinaka, tacake mo raica na ka e lako tiko yani qo.”
6 Au mani taroga: “Na cava qo?”
E tukuna o koya: “Qo na itawatawa efa* e lako tiko yani.” E kaya tale: “Qo na kedra irairai e vuravura taucoko.”
7 Au raica ni dolavi na isogo uma mokimokiti qai dabe toka e dua na yalewa ena loma ni itawatawa.
8 E mani kaya o koya: “Qo na iVakarau ca.” E biuti koya tale ena loma ni itawatawa efa qai sogota na gusuna ena uma bibi.
9 Au tacake au raica e rua na yalewa ni rau lako tiko mai, erau vakatubutubu tiko ena cagi. E vaka na taba ni sitoki* na tabadrau. Erau qai laveta cake na itawatawa efa ena maliwa ni vuravura kei na lomalagi.
10 Au mani taroga na agilosi keirau veivosaki tiko: “Erau kauta tiko i vei na itawatawa efa?”
11 E tukuna o koya: “Ina vanua o Saina*+ me tara kina e dua na nona vale, ni vakarautaki oti ena biu e kea ena vanua e dodonu me tiko kina.”
iVakamacala e ra
^ Qo na mataivalu vakalomalagi.
^ Ipe., “na efa,” qo e dusia na itawatawa se kato e vakarautaki kina e dua na efa. Dua na efa e tautauvata kei na 22 na lita. Raica na iKuri B14.
^ Dua na manumanuvuka levu yava balavu, e dau vuto.
^ Oya o Papiloni.
