Sakaraia 2:1-13
2 Au tacake au raica sara e dua na tamata e tu e ligana e dua na wa ivakarau.+
2 Au mani taroga: “O lako i vei?”
E tukuna o koya: “Meu vakarautaki Jerusalemi, meu raica na kena raba kei na kena balavu.”+
3 Raica! e biubiu na agilosi keirau a veivosaki tiko, e lako sara yani e dua tale na agilosi me tavaki koya.
4 E qai kaya vua: “Mo cici e kea mo tukuna vua na cauravou oya, ‘“Ena tawa o Jerusalemi+ me vaka e dua na koro e sega ni vakabai, ena vuku ni tamata kece kei na manumanu era tiko kina.+
5 Ia au na,” e kaya o Jiova, “kena bai bukawaqa e wavokita,+ au na kena iukuuku.”’”+
6 “Lako mai! Lako mai! Moni dro tani mai na vanua ena vualiku,”+ e kaya o Jiova.
“Niu sa vakatalai kemuni yani ena matanicagi vava ni lomalagi,”+ e kaya o Jiova.
7 “Lako mai Saioni! Mo dro sara, o iko o tiko vata kei na goneyalewa ni Papiloni.+
8 Qo na ka e kaya o Jiova ni lewe vuqa,* ni vakalagilagi oti e talai au vei ira na veimatanitu era vakacacani kemuni tiko:+ ‘O koya e tarai kemuni e tara na loa ni mataqu.*+
9 Ia qo au na dulaka na ligaqu vei ira, era na kau me nodra itokinivalu na nodra bobula.’+ Oni na qai kila ni talai au mai o Jiova ni lewe vuqa.
10 “Mo kaila ena marau, o iko na goneyalewa ni Saioni,+ niu sa lako yani+ meu na tiko vata kei kemuni,”+ e kaya o Jiova.
11 “Levu na veimatanitu era na mai to vei Jiova ena siga oya,+ era na noqu tamata, au na tiko vata kei ira.” Oni na qai kila ni o Jiova ni lewe vuqa e talai au vei kemuni.
12 Ena taukeni Juta o Jiova me nona ivotavota ena qele tabu, ena digi Jerusalemi tale.+
13 Moni vakanomodi ena mata i Jiova na tamata kece, ni sa yavala ena nona itikotiko tabu.
