Osea 2:1-23

  • Totogitaki o Isireli tawayalodina (1-13)

  • Lesu vei Jiova ni watina (14-23)

    • “O na kacivi au Watiqu” (16)

2  “Ni tukuna vei ira na tacimuni, ‘Oni noqu tamata!’*+ Vei ira na ganemuni, ‘Oni yalewa lomani!’*+   Ni beitaki tinamuni, ni beitaki koyaNi sega ni watiqu o koya,+ au sega ni watina. Me tinia nona saqamua*Kei na nona veibutakoci mai na maliwa ni sucuna,   Seu na vakaluvaiwaletaki koya, meu vakavotui koya me vaka na siga e sucu kina,Meu cakava me vaka na vanua talasiga,Meu biuti koya me vanua mamaca,Meu vakamatei koya ena karamaca.   Au na sega ni lomani ira na luvenaNira luvenisala.   Ni saqamua* o tinadra.+ O koya e buketetaki ira e vakamadua nona ivalavala,+ ni kaya,‘Au na muri ira na dau domoni au,+O ira na solia na kequ madrai kei na mequ wai,Noqu vutinisipi kei na noqu lineni, noqu waiwai kei na mequ gunu.’   O koya gona, au na latia na nona sala ena ba kau vakavotona,Au na vakaduria na kena baivatu,Me kua ni raica na nona sala.   Ena cicimuri ira na dau domoni koya, ia ena sega ni toboki ira,+Ena vaqarai ira ia ena sega ni kunei ira. Ena qai kaya, ‘Au na lesu vua na imatai ni watiqu,+Ni vinaka sara vei au na gauna oya mai na gauna qo.’+   E sega ni kila o koya ni o yau ga au a solia vua na covuata,+ na waini vou, kei na waiwai,Au solia vakalevu vua na silivaKei na koula, ia era vakayagataka vei Peali.+   ‘Oya na vuna au na lesu kina meu kauta tani na noqu covuata ena kena gaunaKei na mequ waini vou ena kena vula,+Au na kovea tani na noqu vutinisipi kei na noqu lineni me ubi kina na nona luvaiwale. 10  Ia qo au na vakaluvaiwaletaki koya e matadra na dau domoni koya,Ena sega ni dua me kaliraki koya mai ligaqu.+ 11  Au na muduka na nona marau kece,Na nona soqo,+ nona vula vou, nona siga ni vakacecegu, kei na nona soqo bibi kece. 12  Au na vakacacana na nona vaini kei na nona vunilolo, ni a kaya: “Qo na kequ isau era solia vei au o ira na dau domoni au,”Au na vakatubura me veikau,Era na kanilaka na manumanu kila ni vanua. 13  Au na taroga vua na gauna e dau cabora kina na isoro kubou vei ira na ivakatakarakara kei Peali,+Ni dau ukutaki koya ena mama kei na iukuuku qai lakovi ira tiko ga na dau domoni koya,Ia sa guilecavi au o koya,’+ e kaya o Jiova. 14  ‘O koya gona au na vakamasuti koya,Au na tuberi koya ina vanua talasiga,Au na vosa meu rawa na lomana. 15  Tekivu mai na gauna oya au na solia lesu vua na nona loganivaini,+Kei na Buca o Akori+ me nona matamata ni inuinui,Ena rogoci au e kea me vaka na gauna ni nona goneyalewa,Me vaka na siga e lako tani kina mai na vanua o Ijipita.+ 16  Ena siga oya,’ e kaya o Jiova,‘O na kacivi au Watiqu, o na sega tale ni kacivi au Noqu turaga.’* 17  ‘Au na kauta tani mai gusuna na yacadra na ivakatakarakara kei Peali,+Ena sega ni nanumi tale na yacadra.+ 18  Au na veiyalayalati ena siga oya ena vukudra kei ira na manumanu kila ni vanua,+Na manumanuvuka ni lomalagi kei na manumanu qasi ni qele,+Au na kauta tani ena vanua na dakaititi, na iseleiwau kei na ivalu,+Au na qai vakadavori ira ena vakacegu.+ 19  Au na musuki iko mo noqu me sega ni mudu,Au na musuki iko mo noqu ena yalododonu, ena lewadodonu,Ena dei ni loloma kei na yalovinaka.+ 20  Au na musuki iko mo noqu ena yalodina,O na kilai Jiova sara ga.’+ 21  ‘Ena siga oya, au na rogo yani,’ e kaya o Jiova,‘Au na rogoci lomalagi,Era na qai rogoci vuravura,+ 22  Ena solia o vuravura na ka e kerea na covuata, na waini vou, kei na waiwai,Era na qai solia na ka e kerea o Jesirieli.*+ 23  Au na kaburaki koya ena vanua me vaka na sorenikau me noqu,+Au na lomani koya a sega ni lomani,*Au na tukuna vei ira era sega ni noqu tamata:* “Oni noqu tamata,”+Era na qai tukuna: “Oni neimami Kalou.”’”+

iVakamacala e ra

Raica na vmr ni Ose 1:9.
Raica na vmr ni Ose 1:6.
Se “veibutakoci.”
Se “veibutakoci.”
Se “Noqu Peali.”
Kena ibalebale “Na Kalou ena Kaburaka na Sorenikau.”
Raica na vmr ni Ose 1:6.
Raica na vmr ni Ose 1:9.