Osea 14:1-9
14 “Mo lesu mai vei Jiova na nomu Kalou, Isireli,+Ni vakatarabetaki iko na nomu cala.
2 Mo lesu vei Jiova ena vosa qo,Moni kaya vua, ‘Moni vosota mada na neimami cala,+ moni vakadonuya na ka vinaka,Keimami na cabora na vakavinavinaka ni tebenigusu i keimami+ me vaka na luvenibulumakau tagane.*
3 Ena sega ni vakabulai keimami o Asiria.+
Keimami na sega ni vodo ose,+Keimami na sega ni kaya ina cakacaka ni liga i keimami, “Oni neimami Kalou!”
Ni o kemuni ga oni dau lomana na luveniyali.’*+
4 Au na vakabulai ira mai na nodra sega ni yalodina.+
Au na lomani ira mai vu ni lomaqu,+Ni sa oti na noqu cudruvi koya.+
5 Au na vaka na tegu vei Isireli,Ena se o koya me vaka na viavia,Ena ti na wakana me vaka na kau ni Lepanoni.
6 Ena tete na tabana,Ena vaka na vuniolive na kena totoka,Ena boivinaka me vakataki Lepanoni.
7 Era na vakaruru tale ena kena yaloyalo.
Era na tei covuata, era na kubu me vaka na vaini.+
Na kena irogorogo ena vaka na waini ni Lepanoni.
8 Ena kaya o Ifireimi, ‘Na cava tale na yaga ni matakau vei au?’+
Au na rogoca, au na vakaraici koya.+
Au vaka na vunijunipa bulabula.
Na vuamu e kune ni vu vei au.”
9 O cei e vuku? Me kila na ka kece qo.
O cei e yalomatua? Me vakasamataka.
Ni dodonu na ivalavala i Jiova,+Era na muria ga na yalododonu,Ia era na tarabe kina na ivalavala ca.
iVakamacala e ra
^ Ipe., “cabora lesu na luvenibulumakau ni tebenigusu i keimami.”
^ Se “gone sega na tamana.”