Maika 6:1-16

  • Veilewaitaki Isireli na Kalou (1-5)

  • Na cava e vinakata o Jiova? (6-8)

    • Lewadodonu, yalodina, yalomalumalumu (8)

  • Cala nei Isireli, kena itotogi (9-16)

6  Yalovinaka, moni rogoca na ka e tukuna tiko o Jiova. Ni tucake moni vakaraitaka na ka oni veilewaitaki kina e matadra na veiulunivanua,Mera rogoca na domomuni na veidelana.+   Ni rogoca na veiulunivanua na kisi ni veilewai nei Jiova,O kemuni na yavu dei ni vuravura,+Ni veilewaitaki ira na nona tamata o Jiova,Ena veileti kei ira na Isireli:+   “Kemuni na noqu tamata, na cava mada au cakava vei kemuni? Au vakaocai kemuni vakacava?+ Ni tukuna vei au.   Au kauti iko cake mai na vanua o Ijipita,+Au vakabulai iko mai na vale ni veivakabobulataki,+Au talai Mosese, Eroni kei Miriama me liu vei iko.+   Yalovinaka kemuni na noqu tamata, ni nanuma na ka e nakita o Tui Pelaki mai Moapi,+Kei na ka e tukuna vua o Pelami na luvei Piori,+Na ka e yaco mai Sitimi+ me yaco i Kilikali,+Moni kila kina na ivalavala dodonu i Jiova.”   Na cava au na kauta vei Jiova? Na cava au na kauta meu cuva kina vua na Kalou mai cake? Au na kauta vua na isoro kama taucoko,Kei na so na luvenibulumakau yabaki dua?+   Ena marautaka o Jiova e vica vata na udolu na tamanisipi,Kei na oba vakaoba na uciwai waiwai?+ Au na solia noqu ulumatua tagane me ibulubulu ni noqu talaidredre,Na vua ni yagoqu me isoro ni noqu ivalavala ca?+   Sa tukuna oti vei iko, na tamata, na ka vinaka. Na cava tale e vinakata* vei iko o Jiova? Mo lewadodonu ga,+ mo mareqeta na yalodina,*+Mo yalomalumalumu+ tale ga ni o lako vata kei na nomu Kalou!+   E kaci ina koro na domo i Jiova,O ira na yalomatua era na doka na yacamuni. Moni rogoca na kuita kei koya e lesia.+ 10  Se tiko na iyau e rawati vakailawaki ena vale ni tamata caKei na ivakarau efa* lailai vakasevaki? 11  Au na savasava* tiko ga ena ivakarau ni bibi e sega ni dodonu,Kei na ivakarau taga vatu veivakacalai?+ 12  O ira nona tamata vutuniyau era dau valavala kaukaua,O ira na tiko kina era daulasulasu,+Na yamedra e veivakaisini e gusudra.+ 13  “Ia au na mokuti iko mo mavoa,+Mo biu wale tu ena vuku ni nomu ivalavala ca. 14  O na kana o na sega ni mamau,Ena lala na lomamu.+ Na ka o tokia, o na sega ni maroroya rawa,Kei na ka o kauta, au na solia ina iseleiwau. 15  O na kaburaka na sorenikau, o na sega ni tamusuka. O na butu olive, o na sega ni lumu waiwai,O na caka waini vou, o na sega ni gunu waini.+ 16  Ni oni muria na lawa nei Omirai kei na ivalavala kece ni vuvale nei Eapi,+Oni muria nodrau ivakasala. Oya na vuna au na vakavuna kina moni kidroataki,Era na kaluvi na nona lewenivanua,+Oni na cola na nodra veivakalewai na lewe ni veivanua.”+

iVakamacala e ra

Se “kerea.”
Se “mo yalovinaka, mo dina ena nomu loloma.” Ipe., “mo taleitaka na dei ni loloma.”
Raica na iKuri B14.
Se “dodonu.”