Maika 4:1-13
4 Ena veisiga mai muri,*Na ulunivanua ni vale i Jiova+Ena vakataudeitaki me sivia na dela ni veiulunivanua,Ena laveti cake me sivia na veidelana,Era na drodro+ kina na lewe ni veivanua.
2 Era na lako kina e levu na veimatanitu, era kaya:
“Ni lako mai meda lai cabe ina ulunivanua i Jiova,Ina vale ni Kalou nei Jekope.+
Ena vakavulici keda ena nona ivalavala,Eda na muria na nona sala.”
Ni na lako mai Saioni na lawa,*Kei na vosa i Jiova mai Jerusalemi.
3 Ena vakataulewa o koya ena vukudra e levu na lewe ni veivanua,+Ena vakadodonutaka na ka ena vukudra na veimatanitu kaukaua era tu vakayawa.
Era na tukitukia na nodra iseleiwau me batinisiviyaraKei na nodra moto me isele ni sasamaki.+
Ena sega ni lave iseleiwau e dua na matanitu ina dua tale na matanitu,Era na sega ni vulica tale na ivalu.+
4 Era na dui dabe* ena ruku ni nodra vaini kei na ruku ni nodra vunilolo,+Ena sega ni dua me vakarerei+ ira,Ni tukuna na gusu i Jiova ni lewe vuqa.*
5 Era na dui muria kece na lewe ni veivanua na yaca ni nodra kalou,Ia eda na muria na yaca i Jiova na noda Kalou+ me tawamudu, io me tawamudu.
6 “Ena siga oya,” e kaya o Jiova,“Au na kumuni ira mai na lokiloki,Au na soqoni ira mai na veiseyaki,+Kei ira au vakararawataka.
7 Au na vakabulai ira na lokiloki me kena ivovo,+Kei ira na kau tani vakayawa me matanitu qaqa,+Ena lewa o Jiova me nodra tui e Ulu i Saioni,Ena gauna qo me tawamudu.
8 Ia o iko na valececere ni qelenisipi,Na delanivanua ni goneyalewa ni Saioni,+Ena basika vei iko, io ena basika vei iko na imatai ni veiliutaki,+Na nona matanitu na goneyalewa ni Jerusalemi.+
9 Na cava o kaila tiko kina ena domolevu?
Sa sega nomu tui,Se sa mate nomu daunivakasala,Mo rarawa kina me vaka na yalewa taratara me vakasucu?+
10 Mo sautaninini mo vutugu, o iko na goneyalewa ni Saioni,Me vaka na yalewa taratara me vakasucu,Ia qo o na biuta na koro mo lai tiko e veikau.
O na lako sara i Papiloni,+O na vakabulai+ mai kea,Ena voli iko lesu e kea o Jiova mai na ligadra na kemu meca.+
11 Era na soqoni vata e levu na matanitu mera valuti iko,Era na kaya, ‘Me vakacacani o koya,Me raica na matada ni yaco qo vei Saioni.’
12 Ia era sega ni kila na nanuma i Jiova,Era sega ni kila na nona inaki,Ni na soqoni ira o koya me vaka e dua na iyatu covuata e tamusuki me kau ina rara ni butu covuata.
13 Tucake mo butuka, o iko na goneyalewa ni Saioni,+Niu na veisautaka na nomu ileu me kaukamea,Au na veisautaka na ququ ni yavamu me kopa,O na vurumemeataka e levu na lewe ni veivanua.+
O na solia vei Jiova na tubu era rawata vakailawaki,Kei na nodra iyau vua na Turaga dina ni vuravura taucoko.”+
iVakamacala e ra
^ Se “Ena iotioti ni veisiga.”
^ Se “ivakavuvuli.”
^ Se “tiko.”
^ Qo na mataivalu vakalomalagi.
