Maika 3:1-12

  • Cudruvi na iliuliu kei ira na parofita (1-12)

    • Sobuti Maika na kaukaua ni yalo i Jiova (8)

    • Veivakavulici na bete mera saumi kina (11)

    • Vuki o Jerusalemi me ibinibini vatu (12)

3  Au kaya: “Yalovinaka moni vakarorogo na turaga ni Jekope,Kei kemuni na iliuliu ena vuvale ni Isireli.+ E dodonu moni kila na lewadodonu?   Ia oni cata na ka vinaka,+ oni taleitaka na ka ca,+Oni cecega tani na kulidra na noqu tamata, kei na lewedra mai na suidra.+   Oni kania tale ga na lewedra na noqu tamata,+Oni vocia tani na kulidra,Oni vorovorolaka na suidra, oni vurumemeataka,+Me vaka na ka e saqa ena kuro,* me vaka na lewe ni manumanu ena kuro ni vakasaqa.   Ena gauna oya era na kere veivuke vei Jiova,Ia ena sega ni rogoci ira o koya. Ena vunitaka vei ira na matana ena gauna oya,+Ena vuku ni nodra ivakarau ca.+   Qo na ka e kaya o Jiova me cudruvi ira kina na parofita era vakacalai ira tiko na noqu tamata,+Era kaya ‘Vakacegu!’+ ia era katia* e batidra+Ia era vakarau* valuti koya e sega ni biuta i gusudra e dua na ka:   ‘Ena yacovi kemuni na bogi,+ ena sega na raivotu,+Ena butobuto ga vei kemuni, ena sega na daurairai. Ena dromu na matanisiga vei ira na parofita,Ena butobuto vei ira na siga.+   Era na vakamaduataki na dauraivotu,+Era na rarawa na daurairai. Era na tabonaka kece na nodra sominiwai,*Ni sega ni tukuna mai na Kalou e dua na ka.’”   Ia o yau, e sobuti au na kaukaua ni yalo i Jiova,Ena lewadodonu kei na qaqa,Meu tukuna vei Jekope na nona talaidredre, vei Isireli na nona ivalavala ca.   Yalovinaka moni rogoca qo na turaga ni vuvale i Jekope,Kei kemuni na iliuliu ena vuvale ni Isireli,+Oni sevaka na lewadodonu, oni vakavevea na ka kece e dodonu,+ 10  Oni tarai Saioni ena vakadavedra, kei Jerusalemi ena ivalavala sega ni dodonu.+ 11  Era vakataulewa na nona turaga mera vaqumi kina,+Era veivakavulici na nona bete mera saumi kina,+Era rairai na nona parofita mera rawailavo kina.+ Ia era ravi vei Jiova, era kaya: “E tiko vata kei keda o Jiova?+ Ena sega ni yacovi keda na ka ca.”+ 12  Ena vukumuni gona,Ena cukiraki o Saioni me vaka na were,Ena vuki o Jerusalemi me ibinibini vatu,+Kei na ulunivanua ni Vale,* ena vaka na vanua cecere e veikau.*+

iVakamacala e ra

Se “kuro ni vakasaqa gusu levu.”
Se rawa ni, “tiko na ka mera mama.”
Se “vakarogoya mera.”
Se “tabonaka na gusudra.”
Se “na ulunivanua ni valenisoro.”
“vaka na veitokaitua.”