Lako Yani 28:1-43
28 “Mo kacivi Eroni na tuakamu mai vei ira na Isireli, kei ratou na luvena tagane, me rawa ni veiqaravi vakabete vei au o koya+—o Eroni,+ vaka kina o Netapi kei Epaiu,+ o Eliesa kei Icama,+ o ratou na luvei Eroni.+
2 Mo cakava na isulu tabu i Eroni na tuakamu, me lagilagi qai totoka.+
3 Mo vosa vei ira kece na kenadau* au sa vakasinaita ena yalo ni vuku,+ mera cakava na isulu i Eroni me vakatabui kina, me veiqaravi kina vakabete vei au.
4 “Qo na isulu mera cakava: na taga ni lomasere,+ na efoti,+ na isulu balavu tabaleka,+ na isulu balavu e tali sukuea na matana,+ na ivauniuluna kei na ivaunitolona,+ era na cakava na isulu tabu qo i Eroni na tuakamu kei ratou na luvena tagane, me veiqaravi kina vakabete vei au.
5 Mera vakayagataka na kenadau na koula kei na wa karakarawa, na vutinisipi lokaloka, na isulu kulakula, kei na lineni matailalai.
6 “Mera cakava na efoti ena koula, na wa karakarawa, na vutinisipi lokaloka, na isulu kulakula, kei na lineni matailalai e muloci, me cula vata.+
7 Me rua na tikinisulu e tabana, me sema ena rua na tutuna.
8 Na beleti* tali+ e sema ina efoti me vesuka dei, me tautauvata na kena isulu: na koula, na wa karakarawa, na vutinisipi lokaloka, na isulu kulakula, kei na lineni matailalai e muloci.
9 “Mo taura e rua na vatu onikisa,+ qai ceuta kina na yacadratou na luvei Isireli,+
10 me ono na yaca ena dua na vatu, kei na vo ni ono na yaca ena vatu adua, me vaka na veitaravi ni nodratou sucu.
11 Me ceuta e dua na dau ceu vatu na yacadratou na luvei Isireli ena rua na vatu me vaka na nona ceuta na ivakadei.+ Mo qai vakabira ena kena idabedabe koula.
12 Mo biuta na rua na vatu ena tikinisulu ena taba ni efoti, me vatu ni ivakananumi vei ira na luvei Isireli,+ me dau kauta tale ga na yacadratou o Eroni ena mata i Jiova, ena rua na tikinisulu e tabana me ivakananumi.
13 Mo cakava na idabedabe koula
14 kei na rua na itaube koula dina e muloci vaka na dali,+ mo qai vesuka na itaube tobe ina kena idabedabe.+
15 “Me cakava e dua na dauculaiukuuku ni isulu na taga ni lomasere ni veilewai.+ Me caka me vaka na efoti, mai na koula, na wa karakarawa, na vutinisipi lokaloka, na isulu kulakula, kei na lineni matailalai e muloci.+
16 Me sukuea* ni sa lobirua, me rauta ni dua na ivakarau ni qaqalo* na kena balavu kei na kena raba.
17 Mo vakadabera e lomana e va na iyatu vatutalei. Na imatai ni iyatu na rupi, topasa, kei na emeralita.
18 Na ikarua ni iyatu na tekoisi, sefaia, kei na jasipa.
19 Na ikatolu ni iyatu na vatu lesemi, aketi, kei na amecisita.
20 Na ikava ni iyatu na kirisilaite, onikisa, kei na jate. Mera coba ena kedra idabedabe koula.
21 Me tautauvata na iwiliwili ni vatu kei na yacadratou na 12 na luvei Isireli. Me ceuti yadua me vaka na ivakadei, na yaca yadua me dusia na 12 na yavusa.
22 “Mo cakava ena taga ni lomasere na itaube tobe, me vaka na dali koula dina.+
23 Mo cakava ena taga ni lomasere e rua na rigi koula, mo biuti rau na rigi qori ena mua ruarua ni taga ni lomasere.
24 Mo qai daramaki rau na dali koula ena rua na rigi erau toka ena mua ni taga ni lomasere.
25 Mo vakacuruma na mua ni dali ruarua ena rua na idabedabe ni vatutalei, mo qai vesuki rau ena tikinisulu ena taba ni efoti e liu.
26 Mo cakava e rua na rigi koula, biuti rau ena mua ruarua ni loma ni taga ni lomasere, me qara ina efoti.+
27 Mo cakava e rua tale na rigi koula ena mata ni efoti ena ruku ni tikinisulu e tabana, volekata na kena isema, ena dela ni beleti tali ni efoti.+
28 Me taura toka na taga ni lomasere na wa karakarawa, me vesu vata na kena rigi kei na rigi ni efoti. Qo ena toka dei kina ena kena vanua ena efoti na taga ni lomasere, ena dela ni beleti tali.*
29 “Ni curu e loma ni Loqi Tabu o Eroni, me kauta na yacadratou na luvei Isireli ena taga ni lomasere ni veilewai, me donuya na utona, me ivakananumi ena mata i Jiova.
30 Mo qai biuta na Urimi kei na Camimi*+ i loma ni taga ni lomasere ni veilewai, me donuya na uto i Eroni ni gole yani ena mata i Jiova, me dau kauta o Eroni na ka mera lewai kina na Isireli, me donuya na utona, ena mata i Jiova e veigauna.
31 “Mo cakava na isulu balavu tabaleka ni efoti mai na wa karakarawa wale ga.+
32 Me dola mai cake* e lomadonu. Me talia wavoki na batibatina e dua na dautali isulu. Me vaka na domo ni isulunivalu na tikina e dola, me kua kina ni kadresu.
33 Mo cakava wavoki ena belena na pomekaraneti* mai na wa karakarawa, na vutinisipi lokaloka, kei na isulu kulakula, kei na lali koula ena kedra maliwa.
34 Mo biuta veitaravi e dua na lali koula kei na dua na pomekaraneti, dua na lali koula dua na pomekaraneti, me wavokita na bele ni isulu balavu tabaleka.
35 Me na tokara o Eroni ni veiqaravi, na kena rorogo tale ga me rogoci ni sa curu yani ina itikotiko tabu ena mata i Jiova, ni lako tale ga mai tuba, me kua kina ni mate.+
36 “Mo cakava e dua na tikinikoula dina e taliva, qai ceuta me vaka nona ceuta na ivakadei e dua: ‘E nei Jiova na savasava.’+
37 Mo vesuka qori ina ivauniulu+ ena wa karakarawa, me tu ga ena mata ni ivauniulu.
38 Ena tu ga ena yadre i Eroni, ni na saumitaro o Eroni ke dua e cakacala ena veika tabu,+ na ka era vakatabuya na Isireli nira cabora me iloloma tabu. Qori me dau tu ga e yadrena, me rawa kina nira vakadonui ena mata i Jiova.
39 “Mo talia ena lineni matailalai e dua na isulu balavu e sukuea na matana, mo cakava e dua na ivauniulu mai na lineni matailalai, mo cakava tale ga e dua na ivaunitolo e tali.+
40 “O na cakava tale ga na nodratou isulu balavu, na ivaunitolo kei na nodratou ivauniulu na luvei Eroni tagane,+ me lagilagi qai totoka.+
41 O na vakaisulutaki Eroni na tuakamu kei ratou na luvena tagane, mo lumuti ratou,+ buli ratou*+ qai vakatabui ratou, eratou na qai veiqaravi vakabete vei au.
42 Cakava tale ga mai na lineni na nodratou tarausese lekaleka me ubia na nodratou luvaiwale.+ Me tekivu mai na dibidratou yacova na sagadratou.
43 Me dau daramaka o Eroni kei ratou na luvena tagane ni ratou gole yani ina valelaca ni veitavaki, se ni ratou torova na icabocabonisoro me ratou veiqaravi ena vanua tabu, de ratou cala kina ratou qai mate. Qo na lawa tudei vei koya kei ira na nona kawa era taravi koya mai.
iVakamacala e ra
^ Ipe., “lomavuku.”
^ Se “ioro.”
^ Tautauvata na balavu ni yasana kece.
^ Se “ioro.”
^ Raica na iVakamacala ni Vosa.
^ Se “me ka ni ulu.”
^ Na vuata qo e roka senikavika qai vaka na irairai ni apolo.
^ Ipe., “vakasinaita na ligadratou.”
