Lako Yani 26:1-37
26 “Mo cakava na valeniveitavaki+ ena tini na isulu ni valelaca e caka mai na lineni matailalai e muloci, na wa karakarawa, na vutinisipi lokaloka, kei na isulu kulakula. Mo cakava qori, kei na iyaloyalo ni jerupi+ era cula vakaiukuuku.+
2 Na isulu ni valelaca yadua me 28 na kiupiti* na kena balavu, 4 na kiupiti na kena raba. Na isulu kece ni valelaca me tautauvata na kena levu.+
3 Me ratou sema e lima na isulu ni valelaca me dua na iwasewase, qai sema e lima tale na isulu ni valelaca me dua tale na iwasewase.
4 Mo vivica na wa karakarawa ena tutu ni isulu ni valelaca e sau ena mua ni iwasewase, mo cakava tale ga qori ena tutuna sara e sau ni wasewase adua, na tikina ena sema kina.
5 Mo cakava e 50 na ivivi ena dua na isulu ni valelaca, me 50 tale na ivivi ena isulu adua ni valelaca me rau veibasai, ena tikina erau sema kina.
6 Mo cakava e 50 na iqamu koula, qai sema na isulu ni valelaca ena iqamu, ena dua ga kina na valeniveitavaki.+
7 “O na cakava tale ga mai na vutinime+ eso na isulu ni valelaca ena dela ni valeniveitavaki. O na cakava e 11 na isulu ni valelaca.+
8 Na isulu yadua ni valelaca me 30 na kiupiti na kena balavu, qai 4 na kiupiti na kena raba. Na 11 na isulu ni valelaca me tautauvata kece na kena levu.
9 Mo sema e lima na isulu ni valelaca, qai sema na ono na isulu adua ni valelaca, mo qai lobika na ikaono ni isulu ni valelaca ena mata ni valelaca.
10 Mo qai cakava e 50 na ivivi ena tutu ni dua na isulu ni valelaca, na kena sara e sau ena mua ni iwasewase, me 50 tale ga na ivivi ena tutu ni isulu ni valelaca, ena tikina adua erau sema kina.
11 Mo cakava e 50 na iqamu kopa qai vakacuruma na iqamu ina ivivi, qai sema na valelaca me rawa ni dua ga.
12 Na vo ni isulu ni valelaca ena savu tu. Na veimama ni isulu ni valelaca e vo ena savu yani ena daku ni valeniveitavaki.
13 Na vo ni isulu ni valelaca ena savu me dua na kiupiti ena yasa kece ni valeniveitavaki me kena iubi.
14 “O na cakava tale ga e dua na iubi ni valelaca mai na kuli ni tamanisipi boro damudamu, me qai toka e delana e dua na iubi e caka ena kulinisili.+
15 “Mo cakava na feremi+ ni valeniveitavaki mai na kau na akasia me duri tu.+
16 Na feremi yadua me tini na kiupiti na kena cere, dua veimama na kiupiti na kena raba.
17 Na feremi yadua me toka kina e rua na muana dudu erau veisemati. Qori na ka mo cakava ena feremi kece ni valeniveitavaki.
18 Mo cakava e 20 na feremi ena ceva ni valeniveitavaki, me qara ina ceva.
19 “Mo cakava e 40 na veleti siliva e sivi vakalomana,+ ena ruku ni 20 na feremi: me rua na veleti e sivi vakalomana ena ruku ni dua na feremi e dudu e rua na muana, qai rua na veleti e sivi vakalomana ena ruku ni feremi yadua e tarava ena rua na muana dudu.+
20 Ena yasana adua ni valeniveitavaki, ena yasana ina vualiku, me caka e 20 na feremi,
21 kei na 40 na kena veleti siliva e sivi vakalomana, me rua na veleti e sivi vakalomana ena ruku ni dua na feremi, qai rua na veleti e sivi vakalomana ena ruku ni feremi yadua e tarava.
22 Ena daku ni valeniveitavaki, ina ra, mo cakava e ono na feremi.+
23 Mo cakava e rua na feremi me duru ni tutuna ruarua ena daku ni valeniveitavaki.
24 Me rau sema mai ra me yacova na imatai ni rigi e cake. Me caka qori vei rau ruarua, erau na duru ni tutuna ruarua.
25 Me walu tale ga na feremi qai 16 na kena veleti siliva e sivi vakalomana, me rua na veleti e sivi vakalomana ena ruku ni dua na feremi, qai rua na veleti e sivi vakalomana ena ruku ni feremi yadua e tarava.
26 “Mo cakava na kau balavu mai na kau na akasia, e lima me feremi ena dua na yasa ni valeniveitavaki,+
27 e lima tale na kau balavu me feremi ena yasana adua ni valeniveitavaki, qai lima na kau balavu me feremi ena yasana i muri ni valeniveitavaki, ina ra.
28 Na kau balavu e lomadonu me cici vakababa ena loma ni feremi mai na dua na muana ina dua tale na muana.
29 “Mo ubia na feremi ena koula,+ mo cakava tale ga na kena rigi koula me taura na kau balavu, mo qai ubia na kau balavu ena koula.
30 Mo vakaduria na valeniveitavaki me vaka na kena peleni e vakaraitaki vei iko ena ulunivanua.+
31 “Mo cakava e dua na ilatilati+ mai na wa karakarawa, na vutinisipi lokaloka, na isulu kulakula, kei na lineni matailalai e muloci. Me cula vakaiukuuku kina na jerupi.
32 Mo vakaliliga ena va na duru akasia e ubi ena koula. Me koula na kena iqaso. Na duru me dabe ena dela ni va na veleti siliva e sivi vakalomana.
33 Mo vakaliliga na ilatilati ena ruku ni iqamu qai kauta kina na kato ni iVakadinadina+ ena loma ni ilatilati. Na ilatilati ena wasea vei kemuni na Loqi Tabu+ mai na Loqi Tabu Sara.+
34 Mo vakataqara na isogo ena dela ni kato ni iVakadinadina ena Loqi Tabu Sara.
35 “Mo biuta na teveli ena taudaku ni ilatilati, me qai veibasai na itutu ni cina+ kei na teveli ena yasana ina ceva ni valeniveitavaki, mo qai biuta na teveli ena yasana ina vualiku.
36 Mo cakava e dua na ilati* me icurucuru ni valelaca mai na wa karakarawa, na vutinisipi lokaloka, na isulu kulakula, kei na lineni matailalai e muloci era tali vata.+
37 Mo cakava e lima na duru akasia me ilati,* qai ubia ena koula. Na kena iqaso me koula, mo qai cakava e lima na kena veleti kopa e sivi vakalomana.
