Vei Ira mai Kalatia 6:1-18
6 Raveitacini, ke dua e sega ni liaca ni sa butucala tiko, ni saga o kemuni na rawata na ivakatagedegede vakayalo moni vakadodonutaki koya ena yalomalua.+ Ia moni qarauni kemuni+ de oni temaki tale ga.+
2 Ni veivuketaka na nomuni icolacola bibi,+ oni na vakayacora kina na lawa i Karisito.+
3 Ke nanuma e dua ni sa bau dua na ka ni sega ga ni dua na ka,+ e vakaisini koya tiko.
4 Ia me dikeva na tamata yadua na nona cakacaka,+ ena qai marau ga kina vakalevu, ena sega ni vakatauvatani koya kei na dua tale.+
5 Nida na dui colata ga na noda icolacola.*+
6 O koya tale ga e vakavulici* ena vosa me wasea na ka vinaka kece vei koya e veivakavulici tiko.+
7 Kua ni nanuma cala: Na Kalou ena sega ni vakalialiai. Na ka kece e kaburaka e dua ena tamusuka tale ga,+
8 ni o koya e kakaburaki ena inaki vakayago ena tamusuka na rusa ena yago, ia o koya e kakaburaki ena inaki vakayalo ena tamusuka na bula tawamudu ena yalo tabu.+
9 Meda kua gona ni soro ena caka vinaka, nida na tamusuka ena kena gauna ke da sega ni vakacauoca.+
10 O koya gona, ni se rawa,* meda caka vinaka vei ira na tamata kece, vakauasivi vei ira eda vakabauta vata.
11 Raica mada na matanivola lelevu au volavola yani kina vei kemuni, e weniligaqu sara ga.
12 O ira kece na vinakata na veivakadonui ni tamata* era na saga moni cilivi, mera kua kina ni vakacacani ena vuku ni kaunirarawa* i Karisito.
13 Nira sega mada ga ni muria na Lawa o ira na cilivi,+ ia era vinakata moni cilivi mera sakitaka kina na ka e caka e yagomuni.
14 Meu kua sara ni sakitaki au, meu sakitaka ga na kaunirarawa* ni noda Turaga o Jisu Karisito,+ ena noqu rai ena vukuna ga e vakamatei* kina o vuravura, ena rai ni vuravura o yau tale ga au vakamatei.
15 E sega ni bibi na cili se na tawacili,+ e bibi ga na nona sa kabuli vou e dua.+
16 Me nodra na vakacegu kei na loloma o ira kece na muria vinaka na ivakarau qo, o ira na Isireli ni Kalou.+
17 Me tekivu qo me kua ni dua e vakararawataki au, ni sa vakamawe tu e yagoqu na ivakatakilakila niu dua na dauveiqaravi i Jisu.+
18 Raveitacini, me tiko mada ga ena yalo oni vakaraitaka na loloma soli wale ni noda Turaga o Jisu Karisito. Emeni.
iVakamacala e ra
^ Se “noda itavi.”
^ Se “e vakavulici ga e gusu.”
^ Kir., “gauna lokuci.”
^ Se “O ira na via rairai vinaka ga e sau.”
^ Raica na iVakamacala ni Vosa.
^ Raica na iVakamacala ni Vosa.
^ Se “e vakamatei ena kau.”
