Josua 5:1-15
5 Ena gauna ga era rogoca kece kina na nodra tui na Amoraiti+ era tiko ena ra* ni Joritani, kei ira kece na nodra tui na kai Kenani+ era tiko volekata na wasawasa ni vakamacara o Jiova na wai ena Joritani vei ira na Isireli mera takoso, era lomataqaya*+ ra qai yalolailai* sara ga ena vukudra na Isireli.+
2 E tukuna o Jiova vei Josua ena gauna oya: “Mo vakarautaka eso na nomu iselevatu mo cilivi+ ira tale na Isireli, oya ena ikarua ni gauna.”
3 E vakarautaka sara o Josua eso na iselevatu me cilivi ira kina na tagane ni Isireli e Kiparaloci.*+
4 Qo na vuna e cilivi ira kina o Josua: O ira kece na tagane mai vei ira na tamata era biuti Ijipita mai, oya o ira kece na tamataivalu,* era mate mai na vanua talasiga ena nodra ilakolako nira biuti Ijipita mai.+
5 Era cili kece na tamata era biuti Ijipita mai, ia o ira ga na tamata era sucu ena vanua talasiga ena nodra ilakolako nira biuti Ijipita mai era sega ni cili.
6 Era lako voli na Isireli ena vanua talasiga me 40 na yabaki+ ra qai mate kece na lewe ni matanitu taucoko, oya o ira na tamataivalu era biuti Ijipita mai ra qai sega ni rogoca na vosa i Jiova.+ E bubuluitaka vei ira o Jiova nira na sega ni raica na vanua+ e bubuluitaka o Jiova vei ira na tukadra me solia vei keda,+ na vanua e drodro kina na sucu kei na oni.+
7 E qai vakatubura na luvedra o koya me sosomitaki ira.+ E cilivi ira qori o Josua, era sega ni cili nira sega ni cilivi ira ena nodra ilakolako mai.
8 Nira cilivi ira oti na lewe ni matanitu taucoko, era tiko ga ena keba me yacova nira kaukaua tale.
9 E qai kaya o Jiova vei Josua: “Nikua au sa kauta* tani vei kemuni na veivakalialiai nei Ijipita.” E mani vakayacani na vanua oya me o Kilikali*+ me yacova na siga qo.
10 Era keba tiko ga e Kilikali na Isireli, era qai soqova na Lakosivia ena yakavi ni ika14 ni siga ni vula+ ena buca dravuisiga e Jeriko.
11 Era kania sara eso na vuaniqele ena siga e oti kina na Lakosivia, na madrai sega ni vakaleveni+ kei na covuata tavu ena siga vata qo.
12 E qai mudu na mana ena siga tarava nira kania eso na vuaniqele, e sega tale na mana vei ira na Isireli,+ era mani kania eso na vuaniqele ena vanua o Kenani ena yabaki oya.+
13 Ni volekati Jeriko o Josua, e tacake qai raica ni duri tu e matana e dua na turaga,+ sa ucu tu e ligana na nona iseleiwau.+ E lako cake vua o Josua, e taroga: “O totaki keimami, se o totaki ira na keimami meca?”
14 E kaya o koya: “Au lako mai qo* niu turaga ni mataivalu i Jiova.”+ E cuva sara ina qele o Josua qai davo vakatoboicu, e kaya vua: “Na cava e mai tukuna na noqu turaga vua na nona tamata?”
15 E kaya vei Josua na turaga ni mataivalu i Jiova: “Luvata na nomu ivava mai yavamu ni o butuka tu na vanua tabu.” E cakava sara qori o Josua.+
iVakamacala e ra
^ Ipe., “na yasana donuya na wasawasa.”
^ Ipe., “waicala na lomadra.”
^ Ipe., “yali nodra lomadei.”
^ Kena ibalebale “Ulunivanua ni Kuli ni Ka Vakatagane.”
^ Se “tagane era yacova na yabaki ni lako ina ivalu.”
^ Ipe., “vaqiqica.”
^ Kena ibalebale “Vaqiqica, Vaqiqica Tani.”
^ Ipe., “Sega, au lako mai qo.”
