Josua 15:1-63
15 Na vanua e votai*+ vei ira na yavusa i Juta me baleta na nodra vuvale e yacova na iyala ni vanua o Itomi,+ na vanua talasiga o Jini me yacova na Nikepi qai yala ena ceva.
2 Na nodra iyala ni vanua ena ceva e tekivu mai na bati ni Wasa Tuituina,*+ mai na toba e qara ina ceva.
3 E toso ina ceva ina icabecabe e Akirapimi,+ e siviti Sini qai gole cake mai na ceva me yaco i Ketesa-parinea,+ e siviti Esironi me lako cake i Eta qai gole i Karika.
4 E toso tiko me siviti Asimoni+ me yaco yani ena Waimaca* o Ijipita,+ e cava mai Waitui* na kena iyalayala. Qo na nodra iyala ni vanua ena ceva.
5 Na iyala ni vanua ena tokalau e tekivu ena Wasa Tuituina* me yaco ina vanua e yala kina na Joritani, na iyala ni vanua ena vualiku e tekivu ena toba ni wasa, na vanua e yala kina na Joritani.+
6 E toso cake i Peciokila+ na iyala ni vanua me sivita na vualiku ni vanua o Peciarapa,+ e toso cake sara na iyala ni vanua me yacova na vatu nei Poani+ na luvei Rupeni.
7 E toso cake na iyala ni vanua me yaco i Tipiri ena Buca o Akori+ qai gole ina vualiku ni vanua o Kilikali+ donuya na sala e lako cake i Etumimi ena ceva ni waimaca, e sivita na wai o Enisemisi+ na iyala ni vanua qai cava e Enirokeli.+
8 E toso cake na iyala ni vanua ina Buca ni Luvei Inomi+ ina nodra baba na Jepusaiti+ ena ceva, oya o Jerusalemi,+ e toso cake na iyala ni vanua ina ulunivanua e qara ina ra ni Buca o Inomi, e toka ena iyalayala ni Buca o Refeimi ina vualiku.
9 E vakatakilakilataki na iyala ni vanua mai na ulunivanua me yaco ina waivure o Nefitoa,+ e toso sara ina koro kece ena Ulunivanua o Efironi, e vakatakilakilataki na iyala ni vanua vei Peala, oya o Kiriaci-jiarimi.+
10 E gole mai Peala na iyala ni vanua ena ra me yaco ina Ulunivanua o Sia, e sivita na baba ni Ulunivanua o Jiarimi ena vualiku, oya o Kisaloni, e gole sobu i Pecisemesi+ me siviti Timinaca.+
11 E toso na iyala ni vanua ina vualiku ni baba o Ekironi,+ e vakatakilakilataki na iyala ni vanua vei Sikironi, e sivita sara na Ulunivanua o Peala me toso sara i Japinieli, e cava e waitui na iyala ni vanua.
12 Na iyala ni vanua ena ra e tekivu ena Wasa Levu*+ kei na kena baravi. Qo kece na nodra iyala ni vanua na kawa i Juta me vaka na nodra vuvale.
13 E solia o Josua e dua na tikinivanua vei Kelepi+ na luvei Jifune ena kedra maliwa na kawa i Juta ni vakaroti Josua kina o Jiova, oya o Kiriaciaripa (o Aripa na tamai Anaki), oya o Epironi.+
14 E mani cemuria tani mai kea o Kelepi e tolu na luvei Anaki:+ o Sesei, o Eimani, kei Talimei,+ eratou kawa nei Anaki.
15 E biubiu sara mai kea me lako cake me valuti ira na lewe i Tipiri.+ (E dau yaca i Tipiri tu o Kiriaciseferi.)
16 E qai kaya o Kelepi: “Na tagane e ravuti Kiriaciseferi me vakadruka, au na soli Akesa na luvequ yalewa me watina.”
17 E qai vakadruka na vanua oya o Ocinieli+ na luvei Kinasi+ na taci Kelepi. E mani soli Akesa+ na luvena yalewa me watina.
18 Ni lako tiko i vale o Akesa e uqeti Ocinieli tiko ga me kerea vei tamana e dua na tikiniqele. E sobu sara mai na nona asa* o Akesa. E tarogi koya o Kelepi: “Na cava o vinakata?”+
19 E kaya o Akesa: “Yalovinaka, mo solia vei au na ka meu kalougata kina, o sa solia oti vei au na tikiniqele ena ceva,* mo soli Kulocimeimi* tale ga vei au.” E mani soli Kuloci i Cake kei Kuloci i Ra vua.
20 Qo na nodra ivotavota na yavusa i Juta me vaka na nodra vuvale.
21 Na koro kece e tiko ena iyalayala ni nodra yavusa na Juta donuya na iyala ni vanua o Itomi+ ena ceva: o Kapisieli, o Eteri, o Jakuri,
22 o Kina, o Dimona, o Atiata,
23 o Ketesi, o Asori, o Icinani,
24 o Sifi, o Telemi, o Paloci,
25 o Asorietata, o Kiriociesironi, oya o Asori,
26 o Amami, o Sema, o Molata,+
27 o Asakata, o Esimoni, o Peci-paleti,+
28 o Asasuali, o Pieri-sepa,+ o Piseocea,
29 o Peala, o Imi, o Esemi,
30 o Elitolati, o Kisili, o Orima,+
31 o Sikilaki,+ o Matimana, o Sanisana,
32 o Lipaoci, o Silimi, o Eini, kei Rimoni;+ e 29 taucoko na koro kei na nodra itikotiko.
33 Ena Sefila+ e tiko kina: o Esitaoli, o Sora,+ o Asina,
34 o Sanoa, o Enikanimi, o Tapua, o Inami,
35 o Jarimoce, o Etulama,+ o Soko, o Aseka,+
36 o Sareimi,+ o Eticeimi, kei Kitera (kei Kiteroceimi);* e 14 na koro kei na nodra itikotiko.
37 O Sinani, o Atasa, o Mikitalikata,
38 o Tilani, o Misipe, o Jokicieli,
39 o Lakisi,+ o Posikaci, o Ekiloni,
40 o Kaponi, o Lamasi, o Kicilisi,
41 o Kiteroci, o Pecitakoni, o Neama, kei Maketa;+ e 16 na koro kei na nodra itikotiko.
42 O Lipina,+ o Eceri, o Asani,+
43 o Ifita, o Asina, o Nisipi,
44 o Kila, o Ekisipi, kei Maresa; e ciwa na koro kei na nodra itikotiko.
45 O Ekironi, na kena tauni lalai* kei na nodra itikotiko;
46 mai na ra ni vanua o Ekironi, na vanua kece e yasa i Asoto kei na nodra itikotiko.
47 O Asoto,+ na kena tauni lalai* kei na nodra itikotiko. O Kesa,+ na kena tauni lalai kei na nodra itikotiko me lako sobu ina Waimaca e Ijipita, na Wasa Levu,* kei na yasayasa volekata.+
48 Ena veiulunivanua, o Samiri, o Jatiri,+ o Soko,
49 o Tana, o Kiriacisana, oya o Tipiri,
50 o Anapi, o Esitimoa,+ o Animi,
51 o Koseni,+ o Oloni, kei Kilo;+ e 11 na koro kei na nodra itikotiko.
52 O Arapea, o Tuma, o Esani,
53 o Janumi, o Pecitapua, o Efeka,
54 o Umita, o Kiriaciaripa, oya o Epironi,+ kei Siori; e ciwa na koro kei na nodra itikotiko.
55 O Maone,+ o Kameli, o Sifi,+ o Jiuta,
56 o Jesirieli, o Jokitiami, o Sanoa,
57 o Keini, o Kipea, kei Timinaca;+ e tini na koro kei na nodra itikotiko.
58 O Aluli, o Pecisuri, o Kitori,
59 o Meraci, o Pecianoci, kei Elitikoni; e ono na koro kei na nodra itikotiko.
60 O Kiriacipeali, oya o Kiriaci-jiarimi+ kei Rapa; e rua na koro kei na nodra itikotiko.
61 Ena vanua talasiga, o Peciarapa,+ o Mitini, o Sikaka,
62 o Nipisani, na Koro ni Masima, kei Eniketi;+ e ono na koro kei na nodra itikotiko.
63 Era sega ni cemuri ira rawa+ na Jepusaiti+ era tiko e Jerusalemi+ o ira na Juta, era tiko vata ga kei ira na lewe i Juta o ira na Jepusaiti mai Jerusalemi me yacova na siga qo.
iVakamacala e ra
^ Se “vakawirimadigitaki.”
^ Oya na Waitui Mate.
^ Raica na iVakamacala ni Vosa.
^ Oya na Wasa Levu, na Mediterranean.
^ Oya na Waitui Mate.
^ Oya na Mediterranean.
^ Se rawa ni, “vakasausau o koya ni vodo tiko ena asa.”
^ Se “na Nikepi.”
^ Kena ibalebale “Beseni Wai.”
^ Se rawa ni, “o Kitera kei na kena bainisipi.”
^ Se “wavokita.”
^ Se “wavokita.”
^ Oya na Mediterranean.
