Jope 9:1-35
9 E qai kaya o Jope:
2 “Au kila vinaka ni dina qori.
Ia ena donu vakacava na tamata ke sa vakataulewa na Kalou?+
3 Ke dua e via veiba kei koya,*+Ena sega ga ni sauma rawa e dua nona taro ke tarogi vakaduanaudolu.
4 E lomavuku qai kaukaua.+
O cei e rawa ni vorati koya, me qai sega ni mavoa?+
5 E tosoya* na ulunivanua, e sega ni dua e kila,E vukici ira ena nona cudru.
6 E yavalati vuravura mai na kena yasana,Mera sakure na kena duru.+
7 E vakarota na matanisiga me kua ni cilaQai latia na serau ni kalokalo,+
8 E tevuka o koya na lomalagi,+Qai butuka tu na veibiau lelevu mai waitui.+
9 E bulia na Esi,* na Kesili,* kei na matakalokalo na Kaima,*+Kei na matakalokalo ni lomalagi ena ceva,*
10 E cakava o koya na veika e cecere qai sega ni vakadikevi rawa,+Na veika veivakurabuitaki e sega ni wiliki rawa.+
11 E tavali e mataqu, au qai sega ni raici koya,E siviti au, ia au sega ni kilai koya.
12 Ni kaliraka e dua na ka, o cei e rawa ni tarovi koya?
O cei e rawa ni kaya vua, ‘Cava o cakava tiko?’+
13 Ena sega ni kinoca na Kalou na nona cudru,+Era na cuva mada ga vua o ira na vukei Reapi.*+
14 Sa na qai wacava niu vosa vuaMeu digia vinaka na vosa meu veileti kina kei koya!
15 Keu donu mada ga, au na sega ni vosa vua.+
Au rawa ga ni vakamamasu me lomani au noqu turaganilewa.*
16 Keu kacivi koya, ena rogoci au?
Au sega ni vakabauta ni na rogoca na domoqu,
17 E vakavurumemeataki au ena cavaQai vakalevutaka ga noqu mavoa ni sega na vuna.+
18 E sega ni vakatara meu taura noqu icegu,E vakasinaiti au tiko ga ena veika gaga.
19 Ke baleta na kaukaua, o koya ga e kaukaua,+Ke baleta na lewadodonu, ena kaya: ‘O cei ena lewai au rawa?’*
20 Keu donu, ena vakacalai au ga na gusuqu,Keu mani yalodina tiko ga,* ena tukuna o koya niu cala.*
21 Keu yalodina tiko ga,* au sega ni nuitaki au ga,Au cata* na noqu bula qo.
22 E tautauvata kece ga. Qori na vuna au tukuna kina,‘E vakarusai ira na sega ni cala,* o ira tale ga na daucaka ca.’
23 Ke veivakamatei vakasauri na dobui,Ena dredrevaka o koya na nodra rarawa na sega ni cala.
24 Sa soli tu na vuravura ena ligana na vunica,+E tabonaka na matadra na kena turaganilewa.
Ke sega ni o koya, o cei ga?
25 Sa totolo sara na noqu siga mai vua na daucici,+Era dro nira sega ni raica na ka vinaka.
26 Era tasiri yani vaka na waqa totolo,*Vaka na ikeli ni coka sobu me toboka na kena.
27 Keu kaya, ‘Au na guilecava na noqu vosavosa,Au na veisautaka na irairai ni mataqu, meu qai matamamarau,’
28 Au na rere voli ena vuku ni noqu rarawa kece,+Au kila tale ga ni dou na sega ni vakadonui au.
29 Ena kilai niu cala.*
Na cava me matewale kina na noqu sasaga?+
30 Keu sili ena wai mai na ucacevata waicala,Qai savata na ligaqu ena sovu,+
31 Dou na toni au ina qara,Ena qai vakasisilataki au sara ga na noqu isulu.
32 O koya e sega ni tamata me vakataki au meu rawa ni sauma nona vosa,Me keirau lako vata ina mataveilewai.+
33 Sega ni dua me vakatulewa vei keirau,*Me neirau turaganilewa.*
34 Ke cegu nona kuitalaki au tiko*Qai sega ni vakarerei au na nona vakadomobula,+
35 Au na sega ni rere na vosa vua,Ni sega na vuna meu vosa kina ena rere.
iVakamacala e ra
^ Se “kauti koya ina mataveilewai.”
^ Se “kauta tani.”
^ Rairai na matakalokalo na Bea Vakaitamera (Urusa Levu).
^ Ipe., “na rumu e loma ena ceva.”
^ Rairai na veikalokalo ni Peliatisi ena matakalokalo na Taurusi.
^ Rairai na matakalokalo na Oraioni.
^ Rawa ni dua na manumanu levu ni wasawasa.
^ Se rawa ni, “o koya e beitaki au ena lawa.”
^ Ipe., “kacivi au?”
^ Se “Keu sega mada ga ni cala.”
^ Ipe., “takelo.”
^ Se “Keu sega mada ga ni cala.”
^ Se “beca, besetaka.”
^ Se “ira na yalodina tiko.”
^ Ipe., “gasau.”
^ Ipe., “caka ca.”
^ Se “dauveivakameautaki.”
^ Ipe., “tabaki keirau ena ligana.”
^ Ipe., “kauta laivi vei au nona kau.”
