Jope 33:1-33

  • Vunauci Jope o Ilaiu ni vakadonui koya ga (1-33)

    • Kune na ivoli (24)

    • Lesu tale ina kaukaua vakaitabagone (25)

33  “Ia qo, rogoca mada noqu vosa Jope,Vakatudaliga ena ka kece au tukuna.   Raica mada! Meu dolava na gusuqu,Me vosa na yamequ.*   Na noqu vosa e vakaraitaka na dodonu ni lomaqu,+Qai tukuna dina na tebenigusuqu na ka au kila.   E buli au na yalo ni Kalou,+Qai vakabulai au na icegu i koya e Kaukaua Duadua.+   Ke rawa, mo sauma mai na noqu vosa,Tuvana nomu vosa e mataqu, mo vakarau sara.   Raica! Au vakataki iko ga ena mata ni Kalou dina,O yau tale ga au buli mai na tete.+   Me kua gona ni dua na ka mo domobulataka vei au,Me kua tale ga ni tarabi vei iko na noqu vosa.   O iko ga o vosa niu rogo tu,Io, au rogoca tiko ga na vosa qo,   ‘Au dodonu, qai sega ni valavala ca,+Au savasava, e sega noqu cala.+ 10  Ia e saga tiko ga na Kalou me saqati au,E wiliki au meu kena meca.+ 11  E biuta na yavaqu ena ivesu kau,E raica matua na noqu sala kece.’+ 12  Ia e sega ni dodonu mo tukuna qo, au na sauma vei iko: Ni cecere sara na Kalou vua na tamata.+ 13  Na cava o kudruvaki koya kina?+ Baleta ni sega ni sauma na nomu vosa kece?+ 14  Ni vosa vakadua na Kalou, e vosa tale vakarua,E sega ga ni dua e vakatudaliga, 15  Ena tadra, ena raivotu ena bogi,+Ni mocelutu na tamataNira moce tu ena nodra idavodavo. 16  Ena dolava o koya na daligadra+Qai vakadeitaka* vei ira na nona ivakavuvuli, 17  Me vagolea tani na tamata mai na cakacala+Me taqomaka tale ga na tamata mai na dokadoka.+ 18  Ena vakabulai koya na Kalou mai na qara*+Me kua ni muduki na nona bula ena iseleiwau.* 19  E mosimosi tale ga nona vunauci ena nona idavodavoQai sega ni oti na vutu ni nona sui, 20  E vakasisilataka sara ga o koya* na madrai,E besetaka tale ga na kakana vinaka.+ 21  E sega ni laurai na lewena ni sa yavu yani,Sa qai votu mai na suina a sega ni laurai tu. 22  Sa voleka yani o koya ina qara,*Vei ira na kauta mai na mate. 23  Ke tiko e dua na nona italai,*E dua na ito mai na le udolu,Me tukuna vua na tamata na ka e dodonu, 24  E qai lomani koya na Kalou, e kaya,‘Vakabulai koya me kua ni lako sobu ina qara!*+ Au sa kunea na ivoli!+ 25  Me bulabula cake na lewena mai na lewena ni se itabagone,+Me lesu tale ina veisiga se tu kina vua na kaukaua vakaitabagone.’+ 26  Ena vakamamasu vua na Kalou,+ ni na vakadonui koya,Ena raica tale ga na matana ni kaila ena marau,Ena qai vakasuka o koya na nona yalododonu vua na tamata. 27  Ena tukuna* o koya vei ira na tamata,‘Au sa valavala ca,+ au sa vakatanitaka na ka e dodonu,Ia au sega ni taura na ka e dodonu me noqu.* 28  Sa vakabulai au o koya meu kua ni lako sobu ina qara,*+Ena raica tale ga na rarama na noqu bula.’ 29  Qo dina na ka kece e cakava na KalouE vakaruataki, e vakatolutaki ena vuku ni tamata, 30  Me kauti koya lesu mai na qara,*Me vakararamataki kina ena rarama ni bula.+ 31  Vakatudaliga mada Jope! Rogoci au! Mo galu mada, au na qai tomana noqu vosa. 32  Ke o via kaya e dua na ka, tukuna mai vei au. Mo vosa, niu via vakadinadinataka ni o dodonu. 33  Ke o sega ni via tukuna e dua na ka, mo rogoci au sara,Mo galu tiko, au na qai vakavulici iko ena vuku.”

iVakamacala e ra

Ipe., “na yamequ kei na gadroqu.”
Ipe., “dregata.”
Se “ibulubulu.”
Se “iyaragi (iyaragi dau vukataki).”
Ipe., “nona bula.”
Se “ibulubulu.”
Se “agilosi.”
Se “ibulubulu.”
Ipe., “lagata.”
Se rawa ni, “Sega ni yaga vei au.”
Se “ibulubulu.”
Se “ibulubulu.”