Jope 31:1-40

  • Valataka o Jope nona yalodina (1-40)

    • ‘Veiyalayalati kei na mataqu’ (1)

    • Kerea me vakarautaki koya na Kalou (6)

    • Sega ni veibutakoci (9-12)

    • Sega ni lomana na ilavo (24, 25)

    • Sega ni qaravi matakau (26-28)

31  “Au sa veiyalayalati oti kei na mataqu.+ E rawa gona vakacava meu kauaitaka vakatani e dua na goneyalewa?+   Na cava ena noqu ivotavota mai vua na Kalou mai cake,Na iwasewase cava ena lako mai vei koya e Kaukaua Duadua e lagi?   Vakacava e sega ni waraki koya e cakacala na leqa tubukosoKei na leqa vei ira na veivakamavoataki tiko?+   E sega ni raica o koya na noqu sala+Qai wilika na noqu ikalawa kece?   Au sa bau muria na ka lasu?* Sa bau kusava na yavaqu na veidabui?+   Me vakarautaki au na Kalou ena ivakarau donu,+Ena qai kila na noqu yalodina.+   Ke mani goletani mai na sala na yavaqu+Se sa muria na mataqu na lomaqu+Se vakadukadukalitaki na ligaqu,   Meu kaburaka na sorenitei, me qai kania e dua tale,+Me qai cavuraki* laivi na ka au tea.   Ke mani malele na lomaqu vua e dua na yalewa,+Au qai wawa lo tiko+ ena katuba i noqu itokani, 10  Me qaqia o watiqu na kena covuata e dua tale na tagane,Me qai veiyacovi kei koya eso tale na tagane.+ 11  Qori na ivalavala vakamadua,Na cala e ganita na nodra vakatauitotogi na turaganilewa.+ 12  Qori na bukawaqa ena veikani qai veivakarusai,+E vakayavuya mada ga na waka ni* noqu vuaniqele kece. 13  Keu sega ni lewadodonu vua na noqu bobula tagane se bobula yalewaNi rau kudruvaka* e dua na ka me baleti au, 14  Na cava meu cakava ni tarogi au na Kalou?* Na cava meu sauma vua ke vaqaqai au?+ 15  Sega ni o koya ga e buli au ena katonigone e buli rau tale ga?+ Sega ni o koya tiko ga e buli kedatou ni bera nodatou sucu?*+ 16  Keu dau bese ni solia na veika era gadreva na dravudravua+Se vakararawataka na matana na yada,*+ 17  Keu kania duadua na ivotavota ni kequ kakanaNiu sega ni wasea vei ira na luveniyali,+ 18  (Niu se cauravou, au vaka ga na tama vua na luveniyali ena gauna keirau tubu tiko kina,Au qai tubera voli na yada mai na gauna ni gone.*) 19  Keu raica ni mate e dua ni sega nona isuluSe ni sega na nona iubi na dravudravua,+ 20  Ke sega ni vosa vakalougatataki au o koya*+Ni vakatakatai koya ena vuti ni noqu sipi, 21  Keu qumivacu vua na luveniyali+Ni gadreva o koya na noqu veivuke ena matamatanikoro,*+ 22  Me sa lutu ga na ligaqu* mai na tabaqu,Me qai ramusu na ligaqu mai na duruduruniliga.* 23  Niu domobulataka na veivakarusai ni Kalou,Au qai sega ni vorati koya rawa ni sa rui cecere. 24  Keu mani vakararavi ina koulaSe kaya ina koula, ‘O iko na noqu itataqomaki!’+ 25  Keu kunea na marau ena levu ni noqu iyau+Ni levu na ka au rawata meu taukena,+ 26  Keu raica na matanisiga* ni sa cila maiSe ni veitosoyaki voli na vula ena kena totoka,+ 27  Qai bacani lo na lomaqu,E reguca tale ga na ligaqu na gusuqu niu sokaloutaki ira,+ 28  Qori na cala e ganita mera vakatauitotogi kina na turaganilewa,Niu a rawa ni cakitaka na Kalou dina mai cake. 29  Au sa bau marautaka ni kawaboko na kequ meca+Se marau ni yacovi koya na ca? 30  Au sega ni vakatara me valavala ca na gusuquNiu kerea me tau vua na vosa ni veicudruvi.+ 31  Ke ra sega ni kaya na tagane ena noqu valelaca,‘O cei e kunea rawa e dua e sega ni mamau ena kena kakana?’*+ 32  Ena sega ni moce i tuba ena bogi e dua na vulagi,+Niu dolava tu noqu katuba vei ira na dauveilakoyaki. 33  Au sa bau saga meu ubia na noqu malumalumu vakataki ira eso,+Niu vunia noqu cala ena taga ni noqu isulu? 34  Au sa bau rerevaka na ka era na cakava na ilala levu,Seu domobulataka na nodra veibeci eso tale na vuvale,Meu galu kina qai rere na curu i tuba? 35  Ke bau rogoci au e dua!+ Au na sainitaka na yacaqu ena ka au tukuna. Me vosa mai vei au o koya e Kaukaua Duadua!+ Ke vola wale ga na kena ivola o koya e beitaki au! 36  Au na colata e tabaqu,Au na vauca e uluqu vaka na isala vakaturaga. 37  Au na tukuna vua na ka kece au cakava,Au na torovi koya ena doudou me vaka e dua na iliuliu. 38  Ke beitaki au na noqu vanuaRa qai tagi na kena wenisiviyara, 39  Keu kania na kena vuata niu sega ni sauma,+Se vakavuna mera yalolailai na kena itaukei,+ 40  Me kadre ena vukuqu na wavakavotona me isosomi ni witiQai isosomi ni varile na co ca boica.” Mai tini eke na vosa i Jope.

iVakamacala e ra

Se rawa ni, “kei ira na tamata dau lasu.”
Se “me cavuraki laivi na noqu kawa.”
Se “E cavuraka.”
Se “kisi ni veilewai.”
Ipe., “tucake?”
Ipe., “ena katonigone.”
Ipe., “vakavuna me leqa na mata ni yada.”
Ipe., “mai na katonigone i tinaqu.”
Ipe., “na dibina.”
Se rawa ni, “Niu raica nira tu na tokoni au ena matamatanikoro.”
Se “vatuvatu ni taba.”
Se “isema,” mai na sui e cake.”
Ipe., “rarama.”
Ipe., “lewe ni manumanu.”