Jope 23:1-17
23 E qai sauma o Jope:
2 “Au na suguraka nikua noqu kudru,*+Sa oti noqu kaukaua ena vuku ni noqu vutugu.
3 Keu kila wale ga na vanua meu kunea kina na Kalou!+
Au na lako ina nona itikotiko.+
4 Au na vakaraitaka e matana na noqu kisiQai vakasinaita na gusuqu ena ile,
5 Au na kila na nona isaunitaroQai vakasamataka na ka e tukuna vei au.
6 Vakacava ena vakayagataka nona kaukaua levu me saqati au kina?
Sega! Ena rogoci au ga o koya.+
7 Ena vakadodonutaki koya e kea na yalododonu,Sa na qai talaci au vakadua na noqu Turaganilewa.
8 Ia keu lako ina tokalau, e sega e kea o koya,Au lesu mai, au sega ni kunei koya.
9 Ni cakacaka tiko ena imawi, au sega ni kunei koya rawa,E mani gole ena imatau, au se sega ga ni raici koya.
10 E kila na sala au muria.+
Ni vakatovolei au oti, au na vaka na koula dina.+
11 Na yavaqu sa muria voleka na weniyavana,Au dei ena nona sala, niu sega ni muacala.+
12 Au sega ni biuta na ivunau ni tebenigusuna.
Noqu mareqeta nona vosa,+ e uasivia na ka e lavaki vei au.*
13 Ni sa dei na lomana, o cei ena vorati koya rawa?+
Ni vinakata me cakava e dua na ka, ena vakayacora dina.+
14 Ni na vakacavara sara na ka e sa vakadeitaki* me baleti au,Qai maroroya tu o koya e levu na ka va qo.
15 Oya na vuna au nuiqawaqawa kina ena vukuna,Niu vakasamataki koya, e tuburi au na rere.
16 E vakavuna na Kalou na noqu yalolailai,E vakavuna tale ga noqu rere o koya e Kaukaua Duadua.
17 Ia au se sega ni vagalui ena butobutoSe na loaloa e ubia tu na mataqu.