Jope 17:1-16
17 “Sa muduki na yaloqu, sa bokoci na noqu siga,Sa waraki au na ibulubulu.+
2 Era wavoliti au na dauveivakalialiai,+Me raica na nodra talaidredre na mataqu.
3 Yalovinaka, ni ciqoma na noqu ivakadei qai maroroya tiko.
O cei tale keirau na lululu qai bubului ena vukuqu?+
4 Ni oni sa vunitaka na yalomatua mai lomadra,+Oya na vuna oni sega kina ni vakalevulevui ira.
5 Ena via wasea vei ira nona itokani,Ia sa buawa na matadra na luvena.
6 E cakava mera beci* au na veimatatamata,+Mera qai kasivita na mataqu.+
7 E buawa na mataqu ena levu ni rarawa,+Sa iyaloyalo wale ga na tikiniyagoqu kece.
8 Era wadra na yalododonu nira kidroataka qo,E lomaleqa tale ga o koya e tawacala ena vukudra na sega ni vakabauta na Kalou.*
9 Na tamata yalododonu e dei tiko ga ena nona sala,+Qai kaukaua tiko ga o koya e savasava na ligana.+
10 Ia dou lako kece mai, dou tomana nomudou veileti,Niu sega ni raica e dua vei kemudou me vuku.+
11 Sa oti noqu siga,+Sa seva na noqu inaki kei na veika e diva tu na lomaqu.+
12 Eratou vukica na bogi me siga,Eratou kaya, ‘Sa voleka na rarama ni sa buto.’
13 Keu wawa, ena noqu vale na iBulubulu,*+Au na tevuka noqu idavodavo ena butobuto.+
14 Au na kaci yani ina qara,*+ ‘O iko na tamaqu!’
Ina ulo, ‘O iko na tinaqu kei na ganequ!’
15 I vei gona noqu inuinui?+
O cei e raica rawa noqu inuinui?
16 Ena* lako sobu ina matamata ni iBulubulu* e loka tuEna gauna keirau siro kina ina kuvuniqele.”+
iVakamacala e ra
^ Ipe., “vosa vakaibalebale, ivosavosa.”
^ Se “na vukitani.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “ibulubulu.”
^ Oya na noqu inuinui.
^ Se “Seoli,” oya na ibulubulu ni kawatamata. Raica na iVakamacala ni Vosa.
