Jope 10:1-22
10 “Au sevaka noqu bula.+
Au na talaucaka noqu rarawa.
Au na vakatusa na mosi ni yaloqu!
2 Au na kaya vua na Kalou: ‘Ni kua ni tukuna niu cala.
Ni vakatakila mada vei au se cava oni saqati au tiko kina.
3 Vakacava e vinaka vei kemuni moni veivakararawataki,Moni beca kina na cakacaka ni ligamuni+Ni qai vakadonuya nodra ivakasala na daucaka ca?
4 E vaka na mata ni tamata na matamuni,Se oni raica na ka me vaka na rai ni tamata?
5 Vakacava e tautauvata na nomuni siga kei na nodra siga na tamata,Se tautauvata na nomuni veiyabaki kei na veiyabaki ni tamata,+
6 Moni vaqaqa na noqu calaNi qai vaqara tiko ga noqu valavala ca?+
7 Oni kila vinaka niu sega ni cala,+Qai sega ni dua me vakabulai au rawa mai ligamuni.+
8 Na ligamuni ga e tuli au qai buli au,+Ia qo, oni sa via vakarusai au vakadua.
9 Yalovinaka, ni nanuma ni oni buli au mai na tete,+Ia qo oni vakasukai au meu kuvuniqele tale.+
10 Vakacava oni a sega ni livi au me vaka na sucu,Qai waki au tale me vaka na jisi?
11 Oni vakaisulutaki au ena kuliqu kei na lewequ,Oni qai talia mera veicurumaki na suiqu kei na viciko.+
12 Oni solia vei au na bula kei na loloma e dei,Oni taqomaka voli na yaloqu* ena nomuni veikaroni.+
13 Ia e nomuni inaki vuni moni cakava na veika qo.*
Au kila nira vu mai vei kemuni na veika qo.
14 Keu valavala ca, oni na raici au,+Oni na sega ni vagalalataki au mai na noqu cala.
15 Keu cala, ena ca sara ga vei au!
Ia keu donu mada ga, au na sega ni tacake rawa,+Niu luvuci ena madua kei na rarawa.+
16 Keu tacake, oni na vakasasataki au vaka na laione+Oni na vakaraitaka tale vei au na nomuni kaukaua.
17 Oni kauta mai na ivakadinadina vou mera saqati auOni na cudruvi au vakalevu,Ena yaco veitaravi vei au na rarawa.
18 Na cava oni kauti au mai kina ena katonigone?+
Ni dodonu meu mate, ni bera ni raici au e dua na mata.
19 Ena vaka ga au a sega ni bula,Au na kau mai na katonigone vakadodonu ina ibulubulu.’
20 E sega ni vica wale ga noqu siga?+ Me biuti au tu ga,Me gole tani vei au na matana, meu bau cegu mada ga*+
21 Ni bera niu gole yani—au na sega ni lesu mai+—Ina vanua ni butobuto loaloa,*+
22 Ina vanua e katabuto sara gaNa vanua ni butobuto loaloa kei na veilecayaki,Na rarama mada ga e kea e vaka na butobuto.”
iVakamacala e ra
^ Se “icegu, bula.”
^ Ipe., “Oni sa vunia na veika qo e lomamuni.”
^ Se “meu bau marau.”
^ Se “butobuto kei na iyaloyalo ni mate.”
