Jeremaia 5:1-31
5 Moni veilakoyaki ena sala e Jerusalemi.
Moni veiraiyaki moni kauaitaka.
Moni vaqaqara ena nona rara moni raicaDe oni kunea kina e dua na tamata lewadodonu,+O koya e saga me yalodina,Au na qai vosoti koya.
2 Ke ra kaya mada ga: “Ni bula dina tiko o Jiova!”
Era na bubului lasu tiko ga.+
3 Kemuni Jiova, e raica na matamuni na ka dina?+
Oni mokuti ira, ia era sega ni vakila.*
Oni vakarusai ira, ia era sega ni muria na veivakadodonutaki.+
E kaukaua na matadra, e malumu na vatu.+
Era sega ni saumaki mai.+
4 Ia au kaya lo ga: “Qo dina o ira na tamata wale.
E sesewa na nodra ivalavala nira sega ni kila na sala i Jiova,Na lewa ni nodra Kalou.
5 Au na lako vei ira na turaga meu vosa vei ira,Nira kila na sala i Jiova,Na lewa ni nodra Kalou.+
Ia era musuka kece na ivuaEra drutia na ivesu.”
6 Oya na vuna e vakamatei ira kina e dua na laione ni veikau,Na olifa ni buca dravuisiga e vakacacani ira tiko ga,E dua na lepate e yadra tiko ena nodra koro.
O ira kece na biubiu mai era basubasuraki.
Nira cakacala vakalevu,E tubu tiko na nodra ivalavala tawayalodina.+
7 Meu vosoti iko vakacava ena ka qo?
Era biuti au na luvemu,Era bubului ena ka e sega ni Kalou.+
Au vakaceguya na nodra gagadre,Ia era veibutakoci tiko ga,Era tabili ina vale ni saqamua.
8 Era vaka na ose gugumatua, dau garogaro,Era dui tagica na watina na wekadra.+
9 “Meu sega ni tarogi ira ena ka qo?” e kaya o Jiova.
“Meu sega ni cudruva na matanitu va qori?”+
10 “Moni lako cake ina nona iyatu vunivaini, moni vakacacana,Ia moni kua ni vakaotia vakadua.+
Moni kauta tani na tabana e sala,Nira sega ni nei Jiova.
11 Na vuvale ni Isireli kei na vuvale ni JutaEra vakaisini au sara ga,” e kaya o Jiova.+
12 “Era cakitaki Jiova, era kaya tiko ga,‘Ena sega ni cakava o koya e dua na ka.*+
Ena sega ni yacovi keda na leqa,Eda na sega ni raica na iseleiwau se dausiga.’+
13 Era cagi wale ga na parofita,E sega vei ira na vosa.*
Me yacovi ira qo!”
14 Ia qo na ka e kaya o Jiova na Kalou ni lewe vuqa:*
“Nira tukuna tiko qo na tamata qo,Au na cakava na noqu vosa me bukawaqa e gusumuni,+Kei ira na tamata qo me buka,Ena yameci ira.”+
15 “Au na kauta mai vei kemuni e dua na matanitu mai na vanua yawa, kemuni na vuvale ni Isireli,”+ e kaya o Jiova.
“E matanitu tudei.
E matanitu makawa,Na matanitu oni sega ni kila na nodra vosa,Se kila na ka era kaya.+
16 Na nodra taga ni gasau e vaka na ibulubulu e dola tu,Era tamata qaqa kece.
17 Era na kania na ka oni tamusuka kei na kemuni madrai.+
Era na kania na luvemuni tagane kei na luvemuni yalewa.
Era na kania na nomuni sipi kei na nomuni bulumakau.
Era na kania na nomuni vaini kei na nomuni vunilolo.
Era na vakarusa ena iseleiwau na nomuni koro vakabai vinaka oni nuitaka.”
18 “Ia ena gauna oya,” e kaya o Jiova, “au na sega ni vakarusai kemuni vakadua.+
19 Oni na taroga: ‘Na cava e vakayacora kina vei keda o Jiova na noda Kalou na ka kece qo?’ moni tukuna vei ira, ‘Ni oni biuti au moni qarava na kalou tani ena nomuni vanua, oni na qaravi ira na vulagi ena vanua e sega ni nomuni.’”+
20 Moni tukuna qo ina vuvale i Jekope,Moni vakarogoya e Juta, moni kaya:
21 “Moni rogoca qo, o kemuni na tamata lialia oni yalowai:+
E tiko na matadra ia era sega ni rai rawa,+E tiko na daligadra ia era sega ni rogo rawa.+
22 ‘Oni sega ni dokai au?’ e kaya o Jiova,‘Oni na sega ni sautaninini e mataqu?
O yau ga au vakarautaka na nuku me yalana na wasawasa,Me kena lawa tudei me kua ni lakosivita.
Ni roba na ua ena sega ni qaqa,Ni vadugu na ua ena sega ni lakosivita.+
23 Ia o ira na tamata qo era domoqa ra qai yalodredre,Era gole tani, era muria ga na nodra sala.+
24 Era sega ni kaya e lomadra:
“Qo meda dokai* Jiova na noda Kalou,O koya e solia na uca ena kena gauna,Na uca ni vulaibotabota kei na uca ni vulaitubutubu,O koya e maroroya vei keda na macawa lokuci ni tatamusuki.”+
25 Na nomuni cala e vakadaroya na ka kece qori,Ni nomuni ivalavala ca e tarova na kena yacovi kemuni na ka vinaka.+
26 Nira maliwai ira na noqu tamata na tamata ca.
Era vakairoiro tiko ga, me vaka nira lako cuvacuva na daubiri dai ni manumanuvuka.
Era biria na dai ni rusa.
Era corita na tamata.
27 Me vaka na bai lawalawa e sinai ena manumanuvuka,E sinai vaka kina na nodra vale ena veivakaisini.+
Oya na vuna era kaukaua kina ra qai vutuniyau.
28 Era levulevu, era lumilumisa.
E sega ni vakaiyalayala na nodra ivakarau ca.
Era sega ni rogoca na nodra kisi ni veilewai na luveniyali,+Mera rawaka kina,Era sega ni lewa vakadodonu na dravudravua.’”+
29 “Au na sega ni tarogi ira ena ka kece qo?” e kaya o Jiova.
“Au na sega ni cudruva na matanitu va qori?
30 E dua na ka kurabuitaki qai velavela e yaco ena vanua:
31 O ira na parofita era parofisaitaka na ka lasu,+Kei ira na bete, era lewa ena nodra kaukaua ga.
O ira na noqu tamata era taleitaka qori.+
Na cava oni na cakava ni yaco mai na icavacava?”
iVakamacala e ra
^ Ipe., “sega ni malumalumu.”
^ Se rawa ni, “sega ni bula tiko o koya.”
^ Oya na vosa ni Kalou.
^ Qo na mataivalu vakalomalagi.
^ Ipe., “rerevaki.”
