Jeremaia 47:1-7
-
Parofisaitaki na ca vei Filisitia (1-7)
47 Qo na vosa i Jiova vei Jeremaia na parofita me baleti ira na Filisitia+ ni bera ni valuti Kesa o Fero.
2 Qo na ka e kaya o Jiova:
“Raica! Sa lako mai na vualiku na wai.
Ena dua na dobui levu.
Ena luvuca na vanua kei na ka kece e tu kina,Na koro kei ira na tiko kina.
Era na tagi na tamata,Era na qoqolou kece na tiko ena vanua.
3 Ena vadugu ni yavadra na nona ose tagane,Ena tataqiriqiri ni nona qiqinivaluKei na vadugu ni yava ni nona qiqi,Era na sega ni raivuki na tama vei ira na luvedra,Ni wadamele na ligadra,
4 Ni sa voleka na siga mera vakarusai kece kina na Filisitia,+Ena vakarusai kece na ito era vo tiko e Taia+ kei Saitoni.+
Ni o Jiova ena vakarusai ira na Filisitia,O ira na vo mai na yanuyanu o Kafitori.*+
5 Ena tasia* na uluna o Kesa.
E vagalui o Asikiloni.+
O kemuni na vo ena nodrau vanua bucabuca,Ena vakacava na dede ni nomuni tavatavalaki kemuni tiko?+
6 Oilei! Na iseleiwau i Jiova!+
Ena vakacava na kena dede mo qai galu?
Mo lesu ina kemu itawatawa.
Mo vakacegu, mo galu.
7 Me galu vakacavaNi vakarota o Jiova?
Me tau vei Asikiloni kei na baravi,+Qori ga na vanua e lesia kina.”
