Jeremaia 46:1-28
46 Qo na vosa i Jiova vei Jeremaia na parofita me baleti ira na veivanua:+
2 O Ijipita,+ me baleta na mataivalu nei Fero Niko+ na tui Ijipita e tiko ena bati ni Uciwai na Uferetisi qai vakadruka e Kakimisi o Tui Nepukanesa* e Papiloni, ena ikava ni yabaki i Jioiakimi+ na luvei Josaia na tui Juta:
3 “Moni vakarautaka na isasabai lalai* kei na isasabai lelevu,Moni lako yani ena ivalu.
4 Moni vakarautaka na ose moni vodo, o kemuni na dauvodo ose.
Moni tuva, moni dara na nomuni isala.
Moni masia na nomuni moto, moni dara na nomuni isulunivalu.
5 ‘Na cava au raica kina nira domobula?
Era suka, e vurumemea na nodra tamata qaqa.
Era dro ena taqaya, era sega ni raivuki na nodra tamata qaqa.
Era rere taucoko,’ e kaya o Jiova.
6 ‘E sega ni dro rawa o koya e totolo, e sega tale ga ni bula na tamata qaqa.
Ena vualiku ena bati ni Uciwai na Uferetisi,Era tarabe, era bale.’+
7 O cei qo e lako cake tiko mai me vaka na Uciwai na Naile,Me vaka na veiuciwai e voravora na kena wai?
8 E lako cake mai o Ijipita me vaka na Uciwai na Naile,+Me vaka na veiuciwai e voravora na kena wai,E kaya, ‘Au na lako cake meu luvuca na vuravura.
Au na vakarusa na koro kei ira na tiko kina.’
9 Moni lako cake na ose!
Moni veiciciyaki na qiqinivalu!
Mera lako yani na tamata qaqa,O kemuni na kai Kusa kei Pate oni taura tiko na isasabai,+Kei kemuni mai Lutimi+ oni taura moni loveca* na dakaititi.+
10 “Na siga oya e nona na Turaga Cecere Duadua o Jiova ni lewe vuqa,* na siga ni veisausaumi me cudruvi ira kina na kena meca. Ena kana na iseleiwau ena mamau, ena gunuva na nodra dra, ni vakarautaka na Turaga Cecere Duadua o Jiova ni lewe vuqa na nona isoro ena vanua mai na vualiku ena bati ni Uciwai na Uferetisi.+
11 Mo lako cake i Kiliati mo kauta mai na waiwai boivinaka,+O iko na goneyalewa ni Ijipita.
E sega ni yaga mo vakalevutaka na kemu iwali,Ni sega na wai mo bula kina.+
12 Era rogoca na veivanua na nomu madua,+E lalata na vanua na nomu tagi.
Ni tarabe e dua na tamata qaqa vua e dua tale,Erau bale ruarua.”
13 Qo na vosa i Jiova vei Jeremaia na parofita me baleta na nona lako mai o Tui Nepukanesa* e Papiloni me valuta na vanua o Ijipita:+
14 “Moni tukuna e Ijipita, moni vakarogoya e Mikitoli.+
Moni vakarogoya e Nofi* kei Tapenesi.+
Moni kaya, ‘Mo tuva, mo vakarau,Ni na kana wavokiti iko e dua na iseleiwau.
15 Na cava era kuitaki kina na nomu tamata kaukaua?
Era sega ni dei,Ni cemuri ira o Jiova.
16 Era tarabe era lutu vakalewe levu.
Era veikayaka tiko:
“Tucake! Meda lesu vei ira na kainoda kei na noda vanuaEna vuku ni veivakararawataki ni iseleiwau.”’
17 Era kacivaka e kea,‘E kosakosa wale ga o Fero na tui Ijipita.
Sa sivia o koya na kena gauna.’*+
18 ‘Me vaka niu bula dina tiko,’ e kaya na Tui na yacana o Jiova ni lewe vuqa,‘Ena lako yani o koya* me vakataki Tepori+ ena veiulunivanua,Me vakataki Kameli+ ena bati ni waitui.
19 Mo vakarautaka na nomu iyaya ni o na kau vakavesu,O iko na goneyalewa o tiko mai Ijipita.
Ni na domobulataki o Nofi,*Ena vakamai* me sega ni dua e tiko kina.+
20 O Ijipita e vaka na bulumakau yalewa matavinaka,Ia ena kati koya na lagokata mai na vualiku.
21 Era vaka mada ga na luvenibulumakau yagovinaka na nona sotia saumi,Ia era suka tale ga, era dro.
Era sega ni tudei,+Ni yaco mai na nodra siga ni rarawa,Na gauna mera totogitaki kina.’
22 ‘E rogo yani na domona me vaka na gata.
Nira lako yani vua vakalewe levu, era tauri matau,Me vakataki ira na ta kau.*
23 Era na musuka na nona veikau,’ e kaya o Jiova, ‘ke dredre mada ga ni lakovi.
Nira lewe levu sara mai na vodre, era sega ni wili rawa.
24 Ena vakamaduataki na goneyalewa ni Ijipita.
Ena soli yani vei ira na tamata mai na vualiku.’+
25 “E kaya o Jiova ni lewe vuqa na Kalou ni Isireli: ‘Au na totogitaki Emoni+ mai No,*+ o Fero, o Ijipita, o ira na nona kalou,+ kei ira na nona tui, io o Fero kei ira kece na vakararavi vua.’+
26 “‘Au na soli ira vei ira na via vakamatei ira tiko,* vei Tui Nepukanesa* e Papiloni+ kei ira na nona tamata. Ia ena tawa tale me vaka e liu,’ e kaya o Jiova.+
27 ‘Mo kua ni rere, Jekope na noqu dauveiqaravi,Mo kua ni domobula, Isireli.+
Au na vakabulai iko mai na vanua yawaKei ira na nomu kawa mai na vanua era bobula tu kina.+
Ena lesu o Jekope, ena tikovinaka, ena vakacegu,Ena sega ni dua me vakarerei koya.+
28 Mo kua ni rere Jekope na noqu dauveiqaravi,’ e kaya o Jiova, ‘niu tokoni iko.
Au na vakarusai ira kece na veivanua au vakasavi iko kina,+Ia au na sega ni vakarusai iko.+
Au na vakadodonutaki iko vakarauta ga,+Au na tauca na kemu itotogi, o na sega ni drovaka.’”
iVakamacala e ra
^ Ipe., “Nepukatiresa,” e dua tale na kena ivolavolai.
^ Na isasabai lalai era dau kauta na dauvanataka na dakaititi.
^ Ipe., “butuka.”
^ Qo na mataivalu vakalomalagi.
^ Ipe., “Nepukatiresa,” e dua tale na kena ivolavolai.
^ Se “Memifise.”
^ Ipe., “gauna lokuci.”
^ Oya o koya e vakadrukai Ijipita.
^ Se “Memifise.”
^ Se rawa ni, “vakalalai.”
^ Se “cabuka.”
^ Oya o Cepi.
^ Se “via vaqarai ira tiko.”
^ Ipe., “Nepukatiresa,” e dua tale na kena ivolavolai.
