Jeremaia 15:1-21
15 E kaya sara vei au o Jiova: “Ke rau mai tu mada ga e mataqu+ o Mosese kei Samuela, au na sega ni lomani ira na tamata qo. Cemuri ira tani mai mataqu. Biuta mera lako.
2 Ke ra tukuna vei iko, ‘Me keimami lako i vei?’ mo kaya vei ira, ‘Qo na ka e kaya o Jiova:
“O koya e mate ena mate rerevaki, ena mate ena mate rerevaki!
O koya e mate ena iseleiwau, ena mate ena iseleiwau!+
O koya e mate ena dausiga, ena mate ena dausiga!
O koya e kau vakavesu, ena kau vakavesu!”’+
3 “‘Au na lesia vei ira e va na ka ca,’*+ e kaya o Jiova, ‘na iseleiwau me veivakamatei, na koli me veiyarataki, na manumanuvuka ni lomalagi kei na manumanu ni vanua me tiloma qai vakarusa.+
4 Au na soli ira mera domobulataka na veimatanitu kece e vuravura+ ena ka e cakava e Jerusalemi o Manasa, na luvei Esekaia na tui Juta.+
5 O cei ena yalovinaka vei iko Jerusalemi,O cei ena rarawa vata kei iko,O cei ena tu vakadua me taroga se vakaevei tiko na nomu bula?’
6 ‘O iko ga o biuti au,’ e kaya o Jiova.+
‘O vakanadakui au tiko ga.*+
Au na dodoka kina na ligaqu meu vakarusai iko.+
Au sa oca na lomani iko.
7 Au na kuretaki ira ena mataiva ena matamata ni vanua.
Au na kauta tani na luvedra.+
Au na vakarusai ira na noqu tamata,Nira sega ni via vakanadakuya na nodra ivalavala.+
8 Ena levu sara na nodra yada, e lailai na mataninuku ni wasawasa e mataqu.
Au na kauta yani vei ira na dauvakacaca ena sigalevu tutu, vei ira na tina kei ira na cauravou.
Au na vakataqayataki ira, au na vakarerei ira vakidacala.
9 Sa malumalumu na yalewa e vakasucuma e vitu na gone,E vaqara icegu o koya.
Sa dromu na nona matanisiga ni se sigalevu tu,E vakavuna na madua kei na matavelavela.’
‘Ia o ira na lewe vica era vo tikoAu na solia ina iseleiwau e matadra na kedra meca,’ e kaya o Jiova.”+
10 Au sa kalouca tinaqu ni o vakasucumi au,+Au dau veileti, au dau veivala kei na vanua kece.
Au sega ni dinau se kerekere,Ia era rulaki au kece.
11 E kaya o Jiova: “Au na caka vinaka sara ga vei iko.
Au na yavala dina meu taqomaki iko ena gauna ni ca,Ena gauna ni rarawa vei ira na meca.
12 Ena rawa ni dua e vorovorolaka na kaukamea,Na kaukamea mai na vualiku, kei na kopa?
13 Na nomu iyau kei na nomu ka talei au na solia me itokinivalu,+Ena sega ni saumi, ia ena vuku ni nomu ivalavala ca kece ena nomu vanua taucoko.
14 Au na solia vei ira na kemu mecaMera kauta ina vanua o sega ni kila.+
Ni dua na buka e waqari ena noqu cudru,Ena yameci kemuni.”+
15 Oni kila kemuni Jiova,
Moni nanumi au, moni kauaitaki au.
Moni totogitaki ira na vakacacani au.+
Meu kua mada ga ni mate* ena berabera ni nomuni cudru.
Moni kila niu vakalialiai ena vukumuni.+
16 E kune na nomuni vosa, au kania sara,+Na nomuni vosa e ka ni marau, e ka ni reki e lomaqu,Niu vakatokai ena yacamuni, kemuni Jiova na Kalou ni lewe vuqa.*
17 Au sega ni tiko vata kei na ilawalawa dau marau meu reki kina.+
Ni tiko vei au na ligamuni, au tiko duadua ga,Ni oni vakasinaiti au ena cudru.*+
18 Na cava e sega ni oti kina na noqu rarawa qai sega ni mavo rawa na noqu mavoa?
E sega ni via mavo.
Oni na vaka na ivurevure ni wai dau veivakaisini vei auE sega ni nuitaki?
19 Ia qo na ka e kaya o Jiova:
“Ke o na lesu mai, au na vakadonui iko tale,O na tu e mataqu.
Ke o wasea tani na ka talei mai na ka tawayaga,O na vaka ga na gusuqu.*
Era na golevi iko yani,Ia o na sega ni golevi ira.”
20 “Au na lesi iko mo bai kopa kaukaua vei ira na tamata qo.+
Era na valuti iko dina,Ia era na sega ni qaqa vei iko,*+Niu na tiko vata kei iko meu taqomaki iko, meu vakabulai iko,” e kaya o Jiova.
21 “Au na vakabulai iko mai na liga ni tamata caAu na sereki iko mai na qeteqeteniligana na tamata voravora.”
iVakamacala e ra
^ Se rawa ni, “va na lewa.” Ipe., “va na mataqali.”
^ Se rawa ni, “lako tiko ga vakanadaku.”
^ Ipe., “Moni kua ni kauti au tani.”
^ Qo na mataivalu vakalomalagi.
^ Se “itukutuku ni veicudruvi.”
^ Se “vaka ga na noqu mata.”
^ Se “vakadrukai iko.”
