Jeremaia 12:1-17

  • Tukuna o Jeremaia nona leqa (1-4)

  • Ka e tukuna o Jiova (5-17)

12  Oni yalododonu, kemuni Jiova,+ niu tukuna vei kemuni na noqu leqa,Ni daru veivosakitaka na ka me baleta na lewadodonu. Ia na cava e rawa vinaka kina na nodra sasaga na tamata ca,+Na cava era sega ni lomaleqa kina na dauveivakaisini?   Oni tei ira, e ti sobu na wakadra. Era tubu era vua. Oni voleka ena gusudra, oni yawa mai na nodra vakanananu titobu.*+   Ia oni kilai au vinaka, kemuni Jiova,+ oni raici au,Oni dikeva na lomaqu, oni raica ni duavata kei kemuni.+ Moni digitaki ira me vaka na sipi me vakamatei,Moni wasei ira ena siga ni veivakamatei.   Me vakacava na dede ni kena dravuisiga na vanua,Me malai yani na co ni vanua kece?+ Ena vuku ni nodra caka ca na tiko kina,Era mate kina na manumanu kei na manumanuvuka. Nira kaya: “Ena sega ni raica o koya na ka ena yacovi keda.”   Ke o ceguoca ni o cici vata kei ira na tamata,Mo qai veitaucici rawa vakacava kei ira na ose?+ Ke o nuidei mada ga ena vanua ni vakacegu,O na qai bula vakacava ena loma ni veikauloa ena bati ni Joritani?   Ni o ira mada ga na tacimu, na vuvale i tamamu,Era vakaisini iko.+ Era kailavaki iko ena domolevu. Mo kua ni vakabauti ira,Ke ra tukuna mada ga vei iko na ka vinaka.   “Au sa biuta na noqu vale,+ au sa vakalala na noqu ivotavota.+ Au sa solia na noqu daulomani au lomana vakalevu e ligadra na kena meca.+   Na noqu ivotavota e vaka na laione ni veikau. E tagi me karaci au. Oya na vuna au cati koya kina.   Vei au na noqu ivotavota e vaka na manumanuvuka* duiroka,*Era wavokiti koya eso na manumanuvuka mera tokilaki koya.+ Moni lako mai, moni soqoni vata, na manumanu kila kece ni vanua,Moni lako mai moni kania.+ 10  Levu na ivakatawa era vakacacana na noqu loganivaini,+Era butulaka na noqu tikinivanua.+ Era vukica na noqu tikinivanua mareqeti me vanua lala. 11  Sa biu wale tu. Sa malai,*Sa lala tu e mataqu.+ Sa vakalalai na vanua taucoko,Ia e sega ni dua e kauaitaka e lomana.+ 12  Era muria mai na dauveivakarusai na sala makawa kece,Ni veivakarusai na iseleiwau i Jiova mai na iyalayala ni dua na vanua ina dua tale.+ E sega ni dua na tamata e vakacegu. 13  Era kaburaka na witi ia era tamusuka na wavakavotona.+ Era vakaocai ira, ia era sega ni rawata e dua na ka. Era na maduataka na vua ni ka era teaNi cudruvi ira vakalevu o Jiova.” 14  Qo na ka e kaya o Jiova vei ira kece na tamata ca era tiko volekati au, era tara tiko na ivotavota au solia vei ira na noqu tamata na Isireli mera taukena:+ “Au na cavuraki ira mai na nodra vanua,+ au na cavuraki Juta tale ga mai na kedra maliwa. 15  Niu cavuraki ira oti au na lomani ira tale, au na kauti ira lesu ina nodra dui ivotavota kei na nodra vanua.” 16  “Ke ra saga mera vulica na nodra ivalavala na noqu tamata mera bubului ena yacaqu, ‘Ni bula dina tiko o Jiova!’ me vaka ga nira vakavulici ira na noqu tamata mera bubului ena yaca i Peali, era na qai vakataudeitaki ena kedra maliwa na noqu tamata. 17  Ia ke ra sega ni muria, au na cavuraka tale ga na matanitu qori, au na cavuraka meu vakarusa,” e kaya o Jiova.+

iVakamacala e ra

Se “lomada sara mai loma.” Ipe., “ivi.”
Se “manumanu co kena.”
Se “tavukadiridiri.”
Se rawa ni, “Sa tagi.”