Jeremaia 10:1-25
10 Moni rogoca na vosa e tukuna o Jiova vei kemuni na vuvale ni Isireli.
2 Qo na ka e tukuna o Jiova:
“Moni kua ni vulica na nodra ivalavala na veimatanitu,+Moni kua ni domobulataka na ivakatakilakila ni lomalagiNira domobula kina na veimatanitu.+
3 Ni ka lasu* na nodra ivakarau na lewe ni veivanua,E kau wale ga ni veikau e lauta,Na cakacaka ni liga ni matai ena nona iyaya ni cakacaka.*+
4 Era ukutaka ena siliva kei na koula+Era vakadeitaka ena ituki kei na ivako me kua ni bale.+
5 Me vaka na matakau ena loganikiukaba, era sega ni vosa rawa,+Era laveti nira sega ni lako rawa.+
Moni kua ni rerevaki ira nira sega ni cakava rawa na ka ca,Se ra cakava na ka vinaka.”+
6 E sega ni dua e vakataki kemuni Jiova.+
Oni cecere, e cecere na yacamuni qai kaukaua.
7 O cei me sega ni dokai kemuni na Tui ni veimatanitu,+ ni ganiti kemuni ga,Vei ira kece na vuku ni veivanua kei na nodra veimatanitu kece,E sega ni dua e vakataki kemuni.+
8 Era lecaika ra qai sesewa kece.+
Na ka e vakavuvulitaka na kau e lasu ga.*+
9 Na siliva mamare e kau mai Tasisi+ kei na koula mai Ufasi,Na cakacaka ni matai, na liga ni matai ni kaukamea.
Na kena isulu e cula ena waniculacula karakarawa kei na vutinisipi lokaloka.
Na cakacaka ni kenadau.
10 Ia e Kalou dina o Jiova.
E Kalou bula,+ e Tui tawamudu.+
Ena vuku ni nona cudru ena sakure na vuravura,+Ena sega ni vosota rawa na veimatanitu na nona cudru.
11 * Qo na ka moni tukuna vei ira:
“Na kalou era sega ni bulia na lomalagi kei na vuravuraEra na vakarusai mai vuravura kei na ruku ni lomalagi qo.”+
12 O koya ga e bulia na vuravura ena nona kaukaua,O koya e vakataudeitaka na vanua bulabula ena nona vuku+O koya e tevuka tale ga na lomalagi ena nona kila.+
13 Ni tabalaka o koya na domona,E vadugu na wai mai lomalagi,+E vakuvuya cake o koya na o* mai na iyalayala kei vuravura.+
E cakava o koya na liva me salavata kei na uca,E vakaliwava o koya na cagi mai na nona lololo.+
14 E sesewa na nodra ivalavala na tamata kece, era sega ni kila e dua na ka.
Era vakamaduataki kece na matai ni kaukamea ena vuku ni ivakatakarakara ceuti,+Ni ka lasu na nona matakau kaukamea,E sega ni cegu tiko.+
15 E ka lasu,* e caka me vakalialiai.+
Ni yaco mai na siga mera tarogi kina, era na rusa.
16 Na iVotavota nei Jekope e sega ni vakataki ira qo,Ni o koya ga e bulia na ka kece,Ia o Isireli na ititoko ni nona ivotavota.+
O Jiova ni lewe vuqa* na yacana.+
17 Mo kumuna na nomu iyaya mai na qele,O iko na yalewa o viribaiti tiko.
18 Ni qo na ka e tukuna o Jiova:
“Au na kolotaki* ira tani na lewenivanua ena gauna qo,+Au na vakararawataki ira mera kila.”
19 Au sa rarawa ena vuku ni noqu mavoa!*+
E sega ni mavo rawa na noqu mavoaAu kaya: “Qo dina ga na kequ mate, ia au na vosota.
20 Sa lala na noqu valelaca, sa cavuka kece na dali ni noqu valelaca.+
Era biuti au na luvequ, era sa yali.+
E sega ni vo e dua me birika na noqu valelaca se vakaduria na noqu ilatilati ni valelaca.
21 Ni sesewa na nodra ivakarau na ivakatawa,+Era sega ni tarogi Jiova.+
Oya na vuna era sega ni yalomatua kina,E veiseyaki kece nodra qelenisipi.”+
22 Rogoca! E dua na itukutuku! E rogo tiko mai!
E dua na vadugu levu mai na vanua ena vualiku,+Me vakalala na koro e Juta me qara ni jakoli.*+
23 Au kila vinaka, kemuni Jiova, ni sega ni vu vua na tamata na nona sala.
E sega ni vu vua na tamata e lako tu me lewa na nona ilakolako.+
24 Moni vakadodonutaki au, kemuni Jiova, ena nomuni lewa,Ia moni kua ni cudruvi au+ de oni vakarusai au.+
25 Moni sova na nomuni cudru ina veimatanitu era vakanadakui kemuni+Kei na veimataqali era sega ni masuta na yacamuni.
Nira kanilaki Jekope,+Io era tilomi koya mera vakawabokotaki koya,+Ra qai vakalala na nona vanua.+
iVakamacala e ra
^ Se “ka wale.”
^ Se “nona matau.”
^ Se “ka wale.”
^ Na tikina e 11 e volai taumada ena vosa vakaArame.
^ Se “cawa.”
^ Se “ka wale.”
^ Qo na mataivalu vakalomalagi.
^ Se “rabotaki.”
^ Se “ramusu!”
^ Dua na mataqali koli kila, e ucu momoto, vutivutia na buina, e vaka na irairai ni fokisi.
