Jeremaia 1:1-19
1 Qo na vosa i Jeremaia* na luvei Ilikaia, e dua na bete e tiko mai Anacoci+ ena vanua o Penijamini.
2 E vosa vua o Jiova ena gauna i Josaia+ na luvei Emoni+ na tui Juta, ena ika13 ni yabaki ni nona lewa.
3 E vosa tale ga vua ena gauna i Jioiakimi+ na luvei Josaia na tui Juta me yacova na icavacava ni ika11 ni yabaki i Setekaia+ na luvei Josaia na tui Juta, me yacova nira kau vakavesu na lewe i Jerusalemi ena ikalima ni vula.+
4 E vosa vei au o Jiova, e kaya:
5 “Ni bera niu buli iko ena katonigone, au sa kilai* iko,+Ni bera ni o sucu,* au sa vakatabui iko.*+
Au lesi iko mo nodra parofita na veimatanitu.”
6 Ia au kaya: “Oilei, kemuni na Turaga Cecere Duadua Jiova!
Au sega ni matau ena vosa+ niu se gone ga.”+
7 E kaya vei au o Jiova:
“Mo kua ni kaya, ‘Niu se gone ga.’
Ni o na lako vei ira kece au talai iko kina,Mo tukuna na ka kece au vakaroti iko kina.+
8 Mo kua ni rerevaka na kedra irairai,+‘Niu tokoni iko meu vakabulai iko,’+ e kaya o Jiova.”
9 E qai dodoka o Jiova na ligana me tara na gusuqu.+ E kaya vei au o Jiova: “Au sa biuta na noqu vosa e gusumu.+
10 Raica, au sa lesi iko ena siga qo mo lewa na veivanua kei na veimatanitu, mo cavuraka mo vakacacana, mo vakarusa mo basuka, mo tara mo tea.”+
11 E vosa vei au o Jiova, e kaya: “Na cava o raica, Jeremaia?” Au mani kaya: “Au raica e dua na taba ni amodi.”*
12 E kaya vei au o Jiova: “Donu vinaka na ka o raica, niu yadra vinaka tiko meu vakayacora na noqu vosa.”
13 E vosa vei au o Jiova ena ikarua ni gauna, e kaya: “Na cava o raica?” Au kaya: “Au raica e dua na kuro* ni buebue tiko,* ia na gusuna e kala tani mai na vualiku.”
14 E kaya sara vei au o Jiova:
“Ena tekivu mai na vualiku na caEna yacovi ira kece na lewenivanua.+
15 ‘Niu na kacivi ira kece na veimataqali ni veimatanitu ena vualiku,’ e kaya o Jiova,+‘Era na lako mai, era na dui biuta na nodra idabedabe vakaturagaEna icurucuru ni matamata e Jerusalemi,+Ena kena bai kece e wavokitaKei na koro kece e Juta.+
16 Au na tukuna vei ira na noqu lewa ena vuku ni nodra ca kece,Nira sa biuti au,+Mera vakama na isoro vei ira na kalou tani,+Mera cuva tale ga ina cakacaka ni ligadra.’+
17 Ia o iko mo vakarau,*Mo tucake mo tukuna vei ira na ka kece au vakaroti iko kina.
Mo kua ni rerevaki ira,+Deu vakataqayataki iko e matadra.
18 Niu lesi iko nikua mo koro taqomaki vinaka,Mo duru kaukamea kei na bai kopa ina vanua taucoko,+Vei ira na tui Juta kei ira na nona turaga,Vei ira na nona bete kei ira na lewenivanua.+
19 Era na valuti iko dina,Ia era na sega ni qaqa vei iko,*‘Niu tokoni iko,’+ e kaya o Jiova, ‘meu vakabulai iko.’”
iVakamacala e ra
^ Rawa ni kena ibalebale “Vakacerecerea o Jiova.”
^ Se “digitaki.”
^ Se “wasei.”
^ Ipe., “bera ni o curu mai na katonigone.”
^ Ipe., “koya e yadra tiko.”
^ Se “kuro ni vakasaqa gusu levu.”
^ Ipe., “irivi tiko,” e dusia ni tiko e rukuna na irinibuka.
^ Ipe., “vauca na tolomu.”
^ Se “vakadrukai iko.”